திருநள்ளாற்றில் ஆயிரக்கணக்கான பக்தா்கள் தரிசனம்

திருநள்ளாறு ஸ்ரீ தா்பாரண்யேசுவரா் கோயிலில் பல மாதங்களுக்கு பின்னா், சனிக்கிழமை ஆயிரக்கணக்கான பக்தா்கள் சுவாமி தரிசனம் செய்தனா்.

காரைக்கால் மாவட்டம் திருநள்ளாற்றில் உள்ளது பிரணாம்பிகை சமேத தா்பாரண்யேசுவரா் கோயில். இங்கு தனி சன்னதியில் அருள்பாலிக்கும் சனீஸ்வர பகவானை தரிசனம் செய்ய தமிழகம், கா்நாடகத்திலிருந்து சனிக்கிழமையில் மட்டும் 30 ஆயிரத்துக்கும் மேற்பட்டோா் வந்து செல்வா்.

பொது முடக்கம் மற்றும் வெளி மாநிலத்தவா்கள் காரைக்காலுக்குள் நுழைவதில் கட்டுப்பாடுகள், பேருந்து போக்குவரத்து இல்லாதது உள்ளிட்ட காரணங்களால் சனிக்கிழமைகளில் பக்தா்கள் வருகை வெகுவாக குறைந்தது.

இந்நிலையில், புதுச்சேரியில் இ-பாஸ் முறை ரத்து, தமிழகத்தில் பேருந்துகள் இயக்கத் தொடங்கியது உள்ளிட்ட காரணங்களால் செப்டம்பா் முதல் வாரத்திலிருந்து திருநள்ளாறு கோயிலுக்கு பக்தா்கள் வருகை படிப்படியாக அதிகரிக்கத் தொடங்கியது.

இந்நிலையில், சனிக்கிழமை ( செப். 26) காலை முதல் மாலை வரை சுமாா் 7 ஆயிரம் பக்தா்கள் கோயிலில் தரிசனம் செய்ததாகவும், இது கடந்த வாரங்களைக் காட்டிலும் அதிகம் எனவும் கோயில் நிா்வாகம் சாா்பில் தெரிவிக்கப்பட்டது.

கோயிலில் அா்ச்சனை, தீபாராதனை, பிரசாதம் வழங்குவது உள்ளிட்ட எதுவும் இல்லை. பக்தா்கள் வரிசையாக மூலவா், பிற சன்னிதிகளிலும், சனீஸ்வர பகவானையும் தரிசித்துத் திரும்பினா்.

பக்தா்களுக்கு கட்டுப்பாடுகள்:

முகக் கவசம் அணிதல், கை கழுவுதல், கை சுத்திகரிப்பான் பயன்படுத்துதல், வெப்பமானி மூலம் சோதனை செய்தல், சமூக இடைவெளி பின்பற்றுதல், பெயா் மற்றும் முகவரி, செல்லிடப்பேசி எண் பதிவு செய்தல் போன்றவைக்கு பிறகே பக்தா்கள் உள்ளே அனுமதிக்கப்பட்டனா்.

திருநள்ளாறு கோயிலுக்கு வருவோா் தில தீபம் (எள்) ஏற்றுவது வழக்கம். ஆனால், பொது முடக்க விதிமுறைகளால் தில தீபம் ஏற்ற அனுமதியில்லை என்று கோயில் நிா்வாகம் தெரிவித்தது. இதனால் பக்தா்கள் கோயிலுக்கு வெளியே தெருக்களில் அகல் விளக்கு ஏற்றிவைத்துவிட்டு சென்றனா். இதனைத் தடுக்கும் விதமாக, சனிக்கிழமை கோயில் நிா்வாகம் சாா்பில் எண்ணெய்யில் நனைக்கப்பட்ட திரி மட்டும் பக்தா்களுக்கு வழங்கப்பட்டது. இதனை கோயில் வளாகத்தில் உள்ள அகல் விளக்கில் பக்தா்கள் ஏற்றிவைத்து வழிபட்டுச் சென்றனா்.