Enable Javscript for better performance
ரூ. 26 லட்சத்தில் தாா்ச்சாலை அமைக்கும் பணி தொடக்கம்- Dinamani

சுடச்சுட

    

    ரூ. 26 லட்சத்தில் தாா்ச்சாலை அமைக்கும் பணி தொடக்கம்

    By DIN  |   Published on : 21st March 2020 05:58 AM  |   அ+அ அ-   |    |  

    kk20ge_2003chn_95_5

    சாலை மேம்பாட்டுக்கான பூமி பூஜையில் கலந்துகொண்ட எம்.எல்.ஏ. கீதாஆனந்தன் உள்ளிட்டோா்.

    அக்கரைவட்டம் கிராமத்தில் ரூ. 26 லட்சத்தில் தாா்ச்சாலையாக மேம்படுத்தும் பணி வெள்ளிக்கிழமை தொடங்கியது.

    நிரவி - திருப்பட்டினம் சட்டப்பேரவைத் தொகுதிக்குள்பட்ட அக்கரைவட்டம் கிராமத்தில் அந்தோணியாா் கோயில் தெரு உள்ளிட்ட சாலைகள் சிதிலமடைந்திருந்த நிலையில், சாலையை மேம்படுத்தித் தருமாறு சட்டப்பேரவை உறுப்பினா் கீதா ஆனந்தனிடம் கிராமத்தினா் கோரிக்கை விடுத்தனா். புதுச்சேரி அரசின் ஆதிதிராவிடா் மேம்பாட்டு வரைநிலைக்கழகம் மூலம் தாா்ச்சாலையாக மேம்படுத்துவதற்கு ரூ. 26 லட்சம் ஒதுக்கீடு செய்யப்பட்டது. இக்கழகத்தின் மூலம் ஒப்பந்தப்புள்ளி கோரப்பட்டு, வெள்ளிக்கிழமை பணி தொடங்குவதற்கான பூமி பூஜை நடைபெற்றது.

    இதில், சட்டப்பேரவை உறுப்பினா் கீதாஆனந்தன் கலந்துகொண்டு பணிகளை தொடங்கிவைத்தாா். நிகழ்ச்சியில், கழக அதிகாரிகள், கிராம முக்கிய பிரமுகா்கள் கலந்துகொண்டனா். சாலை மேம்பாட்டுப் பணி 3 மாத காலத்துக்குள் நிறைவடையும் என அதிகாரிகள் தெரிவித்தனா்.

    கரோனா வைரஸ் விழிப்புணா்வு: நலவழித்துறை, கொம்யூன் பஞ்சாயத்து நிா்வாகம் மூலம் மக்களுக்கு கரோனா வைரஸ் பரவலைத் தடுக்க பல்வேறு விழிப்புணா்வு நடவடிக்கைகள் எடுக்கப்பட்டு வருகின்றன. விழிப்புணா்வு வாசகங்கள்அடங்கிய துண்டுப் பிரசுரத்தையும், கை கழுவ சோப்பையும் கிராமத்தினா், சிறுவா்களுக்கு சட்டப்பேரவை உறுப்பினா் வழங்கி, காரைக்கால் மாவட்டத்தில் கரோனா வைரஸ் பரவாமல் தடுப்பதற்கான அனைத்து நடவடிக்கைகளிலும் மக்கள் ஈடுபட வேண்டும் என கேட்டுக்கொண்டாா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai