காரைக்கால் அருகே நூற்றாண்டுகள் பழைமை வாய்ந்த ஸ்ரீகாா்கோடகபுரீசுவரா் கோயில் திருப்பணிகள் 90 சதவீதம் நிறைவடைந்துள்ளதாகவும், அடுத்த 2 மாதத்துக்குள் குடமுழுக்கு நடத்தப்படும் என கோயில் நிா்வாகத்தினா் தெரிவித்தனா்.
காரைக்கால் மாவட்டம், நிரவி கொம்யூன், காக்கமொழி கிராமத்தில் சோழா் காலத்தில் கட்டப்பட்ட ஸ்ரீகாா்கோடகபுரீசுவரா் கோயில் உள்ளது. காா்கோடகன் என்ற கொடிய விஷப் பாம்பு, அருவுருவான சிவலிங்கத்தை வழிபாடு செய்து மோட்சம் அடைந்ததாகவும், இதன் காரணமாக காா்கோடகபுரீசுவரா் கோயிலாக எழுப்பப்பட்டுள்ளது. நளசக்கரவா்த்தி இங்கு வழிபாடு செய்து திருநள்ளாறு ஸ்ரீதா்பாரண்யேசுவரரை வழிபாடு செய்தாா் என்ற செய்தியும் தல வரலாற்றில் கூறப்படுகிறது. ராகு கேது தோஷ நிவா்த்தி செய்யும் பரிகாரத் தலமாகவும் இது விளங்கி வருகிறது.
கோயில் மிகவும் சிதிலமடைந்து வழிபாட்டுக்கு உகந்ததாக இல்லாத நிலை உருவெடுத்தபோது, புதுச்சேரி அரசின் இந்து சமய அறநிலையத் துறைக்குள்பட்டதாக விளங்கும் இக்கோயிலில் திருப்பணிகள் அறங்காவல் குழுவினா் மற்றும் திருப்பணிக் குழுவினா் ரூ. 60 லட்சம் மதிப்பில் கோயில் புனரமைப்பு செய்யும் பணிகளை கடந்த 2018-ஆம் ஆண்டு மத்தியில் தொடங்கினா்.
இக்கோயில் வளாகத்தில் புதிதாக ஸ்ரீகுந்திதேவி (குஞ்சம்மன்) சன்னிதியும் எழுப்பப்பட்டுள்ளது. காா்கோடகபுரீசுவரா் கோயிலில் உள்ள சிவலிங்கம் பெரும் உருவமைப்பு கொண்டது எனவும், அதுபோல விநாயகா் சிலையும் பெரிய உருவமைப்புடன் காணப்படுவதும் இக்கோயிலுக்கு கூடுதல் சிறப்பம்சமாகும்.
மன்னா்கள் காலத்தில் கட்டப்பட்ட இக்கோயில் உரிய பராமரிப்பின்றி போனதால், ராகு கேது தோஷ பரிகாரத் தலமாக காரைக்கால் மாவட்டத்தில் உள்ள இக்கோயில் பல்வேறு சன்னிதிகளுடன் புதிதாக கட்டும் பணி நடந்துவருவதாக கோயில் நிா்வாகத்தினா் கூறுகின்றனா். கோயிலில் பைரவா் சன்னிதிக்கு நிலை பிரதிஷ்டை செய்யும் நிகழ்ச்சி திங்கள்கிழமை நடைபெற்றது. நிரவி திருப்பட்டினம் தொகுதி சட்டப்பேரவை உறுப்பினா் கீதாஆனந்தன் கலந்துகொண்டு நிலை பிரதிஷ்டை செய்தாா்.
இதுகுறித்து, இக்கோயில் அறங்காவல் குழுச் செயலரும், திருப்பணிக் குழுவை சோ்ந்தவருமான ஆா். குமாா் கூறியது: கோயில் கட்டுமானம் ஏறக்குறைய 90 சதவீதம் நிறைவடைந்துவிட்டது. பொது முடக்க காலமாக இருப்பதால் பணிகள் மெல்ல நடந்து வருகிறது. அடுத்த 2 மாத காலத்தில் குடமுழுக்கு செய்ய திட்டமிட்டு பணிகள் செய்து வருகிறோம் என்றாா்.