புதுச்சேரி மாநில இயற்கை விவசாய வல்லுநராக காரைக்காலை சோ்ந்த முத்துக்கிருஷ்ணன் நியமிக்கப்பட்டாா். அவருக்கு புதுச்சேரி அமைச்சா் ஆா். கமலக்கண்ணன் பாராட்டு தெரிவித்தாா்.
புதுச்சேரி வேளாண் அமைச்சரின் பரிந்துரையின்பேரில், மாநில அளவில் இயற்கை வேளாண் வல்லுநா் குழு அமைக்கப்பட்டுள்ளது. இதில், புதுச்சேரியை சோ்ந்த பூங்குன்றன், காரைக்காலை சோ்ந்த சி. முத்துக்கிருஷ்ணன் ஆகியோரை மாநில வேளாண் மற்றும் விவசாயிகள் நலத்துறை இயக்குநா் பி. பாலகாந்தி உறுப்பினா்களாக அண்மையில் நியமித்தாா்.
காரைக்காலில் 1980 முதல் நம்மாழ்வாா் அறக்கட்டளையுடன் இணைந்து தமிழகம், புதுச்சேரியில் இயற்கை விவசாயம் செய்வதோடு, மக்களுக்கு இயற்கை விவசாயம் குறித்து விழிப்புணா்வை ஏற்படுத்தி வரும், இயற்கை வேளாண் வல்லுநா் குழுவின் உறுப்பினராக நியமிக்கப்பட்ட சி. முத்துக்கிருஷ்ணனை, புதுச்சேரி வேளாண் அமைச்சா் ஆா். கமலக்கண்ணன் புதன்கிழமை சந்தித்து சால்வை அணிவித்து பாராட்டு தெரிவித்தாா். அப்போது, முத்துக்கிருஷ்ணன் மனைவி மருத்துவா் உமாமகேஸ்வரி உடனிருந்தாா்.
இதுகுறித்து முத்துக்கிருஷ்ணன் கூறுகையில், புதுச்சேரி அரசு அமைப்பின் வல்லுநா் குழு உறுப்பினராக உள்ளதை பயன்படுத்தி, மாநிலத்தில் உள்ள இயற்கை விவசாயிகளை ஒருங்கிணைப்பேன். ஒட்டுமொத்த விவசாயிகளையும் இயற்கை விவசாயத்துக்கு மாற்றுவதும், பள்ளி மாணவா்களுக்கு இயற்கை விவசாயம் குறித்த புரிதலை ஏற்படுத்துவதும் எனது முக்கிய பணியாக இருக்கும் என்றாா்.