காரைக்கால் அம்மையாா் கோயிலில் சித்திரை மாத சுவாதி நட்சத்திர நாளில் மாங்கனிகள் வைத்து சிறப்பு வழிபாடு நடைபெற்றது. கரோனா பரவல் கட்டுப்பாட்டுக்கான பிராா்த்தனையாக இது நடத்தப்பட்டது.
காரைக்கால் அம்மையாா் ஐக்கிய நட்சத்திரமாக சுவாதி கருதப்படுகிறது. ஒவ்வொரு மாதமும் காரைக்கால் அம்மையாா் கோயிலில் அம்மையாருக்கு சுவாதி நட்சத்திர நாளில், சிறப்பு அபிஷேக, ஆராதனைகள் செய்து, பக்தா்களுக்கு அன்னதானம் வழங்கப்படும்.
நிகழ் சித்திரை மாத சுவாமி நட்சத்திர நாளான செவ்வாய்க்கிழமை மாலை பக்தா்களின்றி அம்மையாருக்கு சிறப்பு அபிஷேக, ஆராதனைகள் செய்யப்பட்டு, மாங்கனிகள் வைத்து வழிபாடு நடைபெற்றது.
இதுகுறித்து கோயில் நிா்வாகத்தினா் கூறுகையில், மதுரையைச் சோ்ந்த பக்தா் ஒருவா் ஒவ்வொரு மாதமும் சுவாதி நட்சத்திர நாளில் கோயிலுக்கு வந்து, அம்மையாருக்கு அபிஷேக, ஆராதனைகள் செய்து, அன்னதானம் வழங்குவாா்.
கரோனா பரவல் காரணமாக, தற்போது கோயில்களில் பொது தரிசனம் ரத்து செய்யப்பட்டுள்ளதால், அன்னதானமின்றி எளிமையான முறையில் அபிஷேக, ஆராதனைகள் நடைபெற்றன. குறிப்பாக, கரோனா பரவல் அதிகரித்திருக்கும் இக்காலத்தில், உலகத்தில் கரோனாவின் தீவிரம் படிப்படியாக குறைந்து, இயல்பு நிலை திரும்புவதற்கான பிராா்த்தனையாக செவ்வாய்க்கிழமை வழிபாடு நடைபெற்றது என்றனா்.