அரசு தொழிற் பயிற்சி நிலையத்தில் மாணவா் சோ்க்கை

திருமலைராயன்பட்டினம் அரசு தொழிற் பயிற்சி நிலையத்தில் மாணவா் சோ்க்கை நடைபெறவுள்ளது என தெரிவிக்கப்பட்டுள்ளது.

இதுகுறித்து, அந்த நிலையத்தின் முதல்வா் அலுவலகம் வெளியிட்டுள்ள செய்திக் குறிப்பு: காரைக்கால் மாவட்டம், திருமலைராயன்பட்டினம் அரசு தொழிற் பயிற்சி நிலையத்தில் 2020-2021-ஆம் ஆண்டுக்கான மாணவா் (ஆண்-பெண்) சோ்க்கை நடைபெறுகிறது. 8 அல்லது 10-ஆம் வகுப்பு தோ்ச்சி பெற்ற மாணவா்கள் விண்ணப்பிக்கலாம். சேர விரும்பும் மாணவா்கள்  இணையதளத்தில் ஆன்லைனில் அல்லது தொழிற் பயிற்சி நிலைய உதவி மையத்தை அணுகி ஆக.15-ஆம் தேதிக்குள் விண்ணப்பித்து பயன்பெறலாம்.

பிட்டா், எலக்ட்ரீஷியன், மோட்டாா் மெக்கானிக், டா்னா், மெஷினிஸ்ட், இன்ஸ்ட்ரூமெண்ட் மெக்கானிக், ரெபிரிஜிரேஷன் மற்றும் ஏசி, டீசல் மெக்கானிக், கம்ப்யூட்டா் ஆபரேட்டா் போன்ற பிரிவுகளுக்கு 10-ஆம் வகுப்பு தோ்ச்சியும், ஓயா்மேன் மற்றும் வெல்டா் பிரிவுகளுக்கு 8-ஆம் வகுப்பு தோ்ச்சியும் பெற்றிருக்கவேண்டும்.