கரோனா தொற்றாளா் தனது சகோதரா்களுடன் வெளியில் சுற்றியதை தட்டிகேட்டவரை தாக்கிய 3 போ் மீது போலீஸாா் வழக்குப் பதிவு செய்துள்ளனா்.
காரைக்கால் திருநகரை சோ்ந்தவா் சக்தி (20). கூலி வேலை செய்துவரும் இவருக்கு கரோனா தொற்று உறுதி செய்யப்பட்டு, வீட்டுத் தனிமையில் இருக்க, காரைக்கால் மாவட்ட நலவழித்துறை அறிவுறுத்தியிருந்தது.
ஆனால், சக்தி வீட்டுத் தனிமையில் இருக்காமல் தனது சகோதரா்கள் செல்வகுமாா் (19), சிவக்குமாா் (18) ஆகியோருடன் வெள்ளிக்கிழமை வெளியில் சுற்றியதாக கூறப்படுகிறது. இதைப் பாா்த்த அதே பகுதியை சோ்ந்த காரைக்கால் நகராட்சி துப்புரவு ஊழியா் வசந்தகுமாா், கரோனா தொற்று இருக்கும் நிலையில், ஏன் வெளியில் சுற்றுகிறீா்கள் என கேட்டதாக கூறப்படுகிறது.
இதில் ஆத்திரமடைந்த 3 பேரும், வசந்தகுமாரை, ஆபாசமாக திட்டி, மிரட்டி, தாக்கினராம். இதுகுறித்து வசந்தகுமாா், காரைக்கால் நகர காவல்நிலையத்தில் புகாா் அளித்தாா்.
ஆய்வாளா் பாலமுருகன் மற்றும் போலீஸாா், 3 போ் மீதும் பல்வேறு பிரிவுகளில் வழக்குப் பதிவு செய்து, 3 பேரும் மருத்துவமனையில் சிகிச்சை மேற்கொள்ள பரிந்துரை செய்தனா்.