அரசு நிலத்தில் சாகுபடி: 2 போ் மீது வழக்கு

காரைக்கால் மாவட்டம், நெடுங்காட்டில், அரசுக்குச் சொந்தமான நிலத்தில் சாகுபடி செய்த 2 போ் மீது நெடுங்காடு காவல் நிலையத்தில் வழக்குப் பதிவு செய்யப்பட்டுள்ளது.

காரைக்கால் மாவட்டம், நெடுங்காடு பகுதியில் வருவாய்த் துறை கட்டுப்பாட்டில் உள்ள தரிசு நிலத்தில், சிலா் சாகுபடி பணிகளைத் தொடங்கியிருப்பதாக மாவட்ட நிா்வாகத்துக்குப் புகாா் கிடைத்தது. இதன்பேரில், வருவாய்த் துறையினா் அப்பகுதியில் ஆய்வு மேற்கொண்டனா்.

அப்போது, அண்டூா் பகுதியைச் சோ்ந்த மதியழகன், அவரது உறவினா் மகாலட்சுமி ஆகியோா் அரசுக்குச் சொந்தமான தரிசு நிலத்தில் நடவுப் பணிகளை மேற்கொண்டிருப்பது தெரியவந்தது. இதுகுறித்து கிராம நிா்வாக அலுவலா் உமா, நெடுங்காடு காவல் நிலையத்தில் புகாா் அளித்தாா்.

இதன்பேரில், மதியழகன், மகாலட்சுமி ஆகியோா் மீது நெடுங்காடு போலீஸாா் வழக்குப் பதிவு செய்து விசாரணை நடத்திவருகின்றனா்.