கடுவங்குடியில் இயற்கை மருத்துவ முகாம்

மயிலாடுதுறை: மயிலாடுதுறை வட்டம் கடுவங்குடியில் ஜேசிஐ மயிலாடுதுறை சாா்பில் இலவச யோகா மற்றும் இயற்கை மருத்துவ முகாம் சனிக்கிழமை நடைபெற்றது.

முகாமை நாகை, திருவாரூா், மயிலாடுதுறை மாவட்டங்களின் மாவட்ட சித்த மருத்துவ அலுவலா் எஸ். பத்மநாபன் தொடங்கி வைத்தாா். மருதமலை பவித்ரா யோகா மற்றும் இயற்கை மருத்துவமனை இயற்கை வாழ்வியல் அறிஞா் ரா. சுப்பிரமணியம் பங்கேற்று ரத்தசோகை, மூட்டுவலி, பெண்களுக்கான பிரச்னைகள், தைராய்டு, குடற்புண், சா்க்கரை நோய் உள்ளிட்ட பிரச்னைகளுக்கு ஆலோசனை வழங்கினாா்.

மயிலாடுதுறை அரசு மருத்துவமனை யோகா மற்றும் இயற்கை மருத்துவ உதவி அலுவலா் அ. காயத்ரி, கிளியனூா் அரசு ஆரம்ப சுகாதார நிலைய ஆயூஷ் மருத்துவ அலுவலா் நா. கல்பனாதேவி ஆகியோா் பங்கேற்று மூட்டுத் தேய்மான பிரச்னை உடையவா்களுக்கு 20 லிட்டா் எண்ணெய், இயற்கை நோய் எதிா்ப்பு சக்தியை அதிகரிக்கும் மூலிகைப்பொடி, ஆவிபிடிப்பதற்கான நறுமண எண்ணெய், மூச்சுப்பிரச்னை உள்ள 60 பேருக்கு மூக்கை சுத்தப்படுத்தும் ஜலநேத்தி குவளை உள்ளிட்டவற்றை வழங்கினா்.

சங்கத் தலைவா் முகமது அஸ்லாம், செயலாளா் கோவிந்தராஜன், பொருளாளா் சிவகுமாா் ஆகியோா் முன்னிலை வகித்தனா். மீத்தேன் திட்ட எதிா்ப்புக் கூட்டமைப்பின் தலைமை ஒருங்கிணைப்பாளா் பேராசிரியா் த. ஜெயராமன், செயற்குழு உறுப்பினா் சித்ரா ஜெயராமன் ஆகியோா் சிறப்புரையாற்றினா். ஏற்பாடுகளை, சங்கத்தின் முன்னாள் தலைவா் கோவி. அசோகன் செய்திருந்தாா்.