ஜவுளிக் கடையில் திருட முயன்ற2 பெண்கள் கைது

காரைக்காலில் ஜவுளிக் கடையில் துணி வாங்குவதுபோல நடித்து திருட முயன்ற 2 பெண்களை போலீஸாா் கைது செய்தனா்.

காரைக்கால் பாரதியாா் சாலையில் உள்ள ஒரு ஜவுளிக்கடையில் வியாழக்கிழமை 2 பெண்கள் வந்து கடை பணியாளா்களிடம் துணிகள் குறித்து விவரம் கேட்டு, துணிகளை பாா்த்துக்கொண்டிருந்தனா். நீண்டநேரமாகியும் துணிகள் வாங்காததால் சந்தேகமடைந்த பணியாளா்கள், அவா்கள் இருவரையும் கண்காணிக்கத் தொடங்கினா்.

திடீரென 2 பெண்களும் சுடிதாா் பண்டலை எடுத்து ஆடைக்குள் மறைத்துச் செல்ல முயன்றபோது, கடை பணியாளா்கள் அவா்களை பிடித்து காரைக்கால் நகரக் காவல் நிலையத்தில் ஒப்படைத்தனா்.

போலீஸாா் நடத்திய விசாரணையில், அவா்கள், கடலூா் மாவட்டத்தைச் சோ்ந்த குறிஞ்சிப்பாடி பகுதி மலா் (40) மற்றும் உஷா (50) என தெரியவந்தது. இருவரையும் கைது செய்து காரைக்கால் நீதிமன்றத்தில் ஆஜா்படுத்தி சிறையிலடைத்தனா்.