காரைக்காலில் காங்கிரஸ் சாா்பில் ஜவாஹா்லால் நேருவின் நினைவு தினத்தையொட்டி அவரது உருவப் படத்துக்கு சனிக்கிழமை அஞ்சலி செலுத்தப்பட்டது.
கோட்டுச்சேரி பகுதியில் உள்ள கட்சி அலுவலகத்தில் நேருவின் உருவப்படம் வைத்து மாவட்டத் தலைவா் ஆா்.பி. சந்திரமோகன் தலைமையில் மாநில துணைத் தலைவரும், சட்டப்பேரவை முன்னாள் உறுப்பினருமான அ. மாரிமுத்து, நெடுங்காடு வட்டாரத் தலைவா் மாறன் உள்ளிட்டோா் மலா்தூவி அஞ்சலி செலுத்தினா். தொடா்ந்து, கட்சியின் வட்டார, தொகுதி பொறுப்பாளா்கள், மகளிரணி, இளைஞரணி, மீனவரணி, சேவாதள பொறுப்பாளா்கள் அஞ்சலி செலுத்தினா்.
நாட்டின் முதல் பிரதமரான ஜவாஹா்லால் நேருவின் சுதந்திரப் போராட்ட செயல்பாடுகள், நேரு ஆட்சிக் காலத்தில் தேசத்தின் வளா்ச்சிக்கு வித்திட்ட நடவடிக்கைகள் உள்ளிட்ட நேருவின் பெருமைகள் குறித்து கட்சியின் மூத்த தலைவா்கள் பேசினா்.