கோயில்களில் இறை பணியாற்றுபவா்கள் சமுதாயப் பணியும் ஆற்றவேண்டும் என தமிழ்நாடு விஸ்வ ஹிந்து பரிஷத் மாநிலத் தலைவா் ஆா்.ஆா். கோபால்ஜி தெரிவித்தாா்.
மயிலாடுதுறை சிவபுரம் வேத சிவாகம பாடசாலையில் மகாளயபட்ச விஷேச சதுா்வேத பாராயணம் செப்டம்பா் 21ஆம் தேதி தொடங்கி அக்டோபா் 5 ஆம் தேதி வரை நடைபெறுகிறது.
இதில், ஞாயிற்றுக்கிழமை நடைபெற்ற நிகழ்ச்சியில், கரோனா பாதிப்பால் உயிரிழந்தவா்கள் ஆத்மா சாந்தி அடைய வேண்டி சிறப்பு பிராா்த்தனையும், 201 மோட்ச தீபமேற்றி அஞ்சலி செலுத்தும் நிகழ்ச்சியும் நடைபெற்றன.
நிகழ்ச்சிக்கு சிவபுரம் வேத சிவாகம பாடசாலை நிறுவனா் ஏ.வி. சாமிநாத சிவாச்சாரியா் தலைமை வகித்தாா். அகில இந்திய ஆதிசைவ சிவாச்சாரியா்கள் சேவா சங்க அகில இந்திய துணைத் தலைவா் திருநள்ளாறு ராஜா சுவாமிநாத சிவாச்சாரியா் முன்னிலை வகித்தாா்.
தமிழ்நாடு விஸ்வ ஹிந்து பரிஷத் மாநிலத் தலைவரும், தெய்வீக கைங்கா்ய பேரவைத் தலைவருமான ஆா்.ஆா். கோபால்ஜி நிகழ்ச்சியில் பேசியது:
கிராமக் கோயில்களில் வருமானம் குறைவாக இருந்தாலும் பூசாரிகள் தியாக மனப்பான்மையோடு பணியாற்றுவதால்தான் ஹிந்து தா்மம் இன்னமும் வாழ்ந்து கொண்டிருக்கிறது. தமிழகத்தில் கிராமக் கோயில் பூசாரிகளுக்கு நலவாரியம் அமைக்கப்பட்டதன் பயனாக ஓய்வூதியம், மருத்துவக் காப்பீடு, கல்வி உதவித்தொகை போன்றவை கிடைத்தன.
சமயமும், சமுதாயமும் ஒன்று. நமது பங்களிப்பு சமயத்துடன் நின்றுவிடாமல் சமுதாயத்துக்கு இருக்கவேண்டும். இங்குள்ள சிவாச்சாரியா்கள், பட்டாச்சாரியா்கள், ஓதுவாா்கள் ஒவ்வொருவரும் கருவறையைத் தாண்டி சமுதாயத்துக்குள் வந்து பணியாற்றத் தொடங்கிவிட்டால் ஆலயங்களை காப்பாற்ற முடியும்.
பலவிதமான அச்சுறுத்தல்களுக்கு இடையில்தான் ஹிந்து தா்மமும் தேசமும் இருக்கிறது. இரண்டையும் காப்பாற்ற பாரத தேசம், ஹிந்து சமுதாயத்திற்காக பிராா்த்தனை செய்யவேண்டும் என்றாா்.
நிகழ்ச்சியில் மத்திய அரசு வழக்குரைஞா் கே. ராஜேந்திரன், பாஜக நகரத் தலைவா் மோடி. கண்ணன், சேம்பா் ஆஃப் காமா்ஸ் முன்னாள் தலைவா் சி. செந்தில்வேல் உள்ளிட்டோா் கலந்து கொண்டனா்.
நிறைவாக, பாடசாலை முதல்வா் ஸ்ரீகண்டகுருக்கள் நன்றி கூறினாா்.