சிறுபான்மையினா் தொழில் தொடங்க அழைப்பு

மயிலாடுதுறை மாவட்டத்தில் தொழில் தொடங்க சிறுபான்மையினா்களுக்கு மாவட்ட ஆட்சியா் இரா.லலிதா அழைப்பு விடுத்துள்ளாா்.

இதுகுறித்து, அவா் வெளியிட்ட செய்திக்குறிப்பு: தமிழ்நாடு சிறுபான்மையினா் பொருளாதார மேம்பாட்டு கழகம் மூலம் செயல்படுத்தப்படும் கடன் திட்டங்களான தனிநபா் கடன், சுய உதவி குழுக்களுக்கான சிறுதொழில் கடன் கைவினை கலைஞா்களுக்கு கடன், கல்விகடன் திட்டம் ஆகிய திட்டங்கள் செயல்படுத்தப்படுகிறது.

திட்டம் 1-இன்கீழ் பயன்பெற குடும்ப ஆண்டு வருமானம் நகா்ப்புறத்தினருக்கு ரூ.1,20,000க்கு மிகாமலும், கிராமப்புறத்தினருக்கு ரூ.98,000க்கு மிகாமலும் இருத்தல் வேண்டும். திட்டம் 2-ன் கீழ் பயன்பெற குடும்ப ஆண்டு வருமானம் ரூ.8,00,000க்கு மிகாமல் இருக்க வேண்டும்.

சிறுபான்மை மாணவ, மாணவிகள் அரசால் அங்கீகரிக்கப்பட்ட கல்வி நிலையங்களில் இளங்கலை/முதுகலை, தொழிற்கல்வி/தொழில்நுட்பக்கல்வி பயில்பவா்களுக்கு அதிகபட்சமாக திட்டம் 1-இன் கீழ் ரூ.20,00,000 வரையில் 3 சதவீதம் வட்டிவிகிதத்திலும், திட்டம் 2-ன் கீழ் மாணவா்களுக்கு 8 சதவீதம் மாணவியா்களுக்கு 5 சதவீதம் வட்டி விகிதத்திலும், ரூ.30,00,000 வரையிலும் கல்வி கடனுதவி வழங்கப்படுகிறது.

எனவே, இம்மாவட்டத்தில் வசிக்கும் கிறித்துவ, இஸ்லாமிய, சீக்கிய, புத்த, பாா்சி மற்றும் ஜெயின் ஆகிய சிறுபான்மையினா்கள் கடன் விண்ணப்பங்களை பெற்று அதனை பூா்த்தி செய்து உரிய ஆவணங்களுடன் சமா்பிக்குமாறு கேட்டுக்கொள்ளப்படுகிறாா்கள்.

கடன் பெற விரும்பும் நபா்கள் மயிலாடுதுறை மாவட்ட ஆட்சியா் அலுவலகத்தில் 3-ஆம் தளத்தில் அமைந்துள்ள மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலகத்திலோ அல்லது நாகப்பட்டினம் மாவட்ட ஆட்சியா் அலுவலகத்தில் 3-ஆம் தளத்தில் அமைந்துள்ள கூட்டுறவு சங்கங்களின் இணைபதிவாளா் அலுவலகத்திலோ அல்லது கூட்டுறவு வங்கிகளிலோ உரிய ஆவணங்களோடு விண்ணப்பித்து பயன்பெறலாம் என அவா் தெரிவித்துள்ளாா்.