Enable Javscript for better performance
144 Prohibition Order Enforced Against Direct Paddy Sowing Agricultural Workers Opposite Kuthalam- Dinamani

உடனுக்கு உடன் செய்திகள்

    நேரடி நெல் விதைப்புக்கு விவசாயத் தொழிலாளா்கள் எதிா்ப்பு: குத்தாலம் அருகே 144 தடை உத்தரவு அமல்

    By DIN  |   Published On : 01st July 2022 02:57 AM  |   Last Updated : 01st July 2022 02:57 AM  |  அ+அ அ-  |  

    img_20220630_wa0098_3006chn_97_5

     

    குத்தாலம் அருகே பருத்திக்குடியில் நேரடி நெல் விதைப்பு செய்ய விவசாயத் தொழிலாளா்களின் எதிா்ப்பைத் தொடா்ந்து, அந்த கிராமத்தில் வியாழக்கிழமை முதல் 144 தடை உத்தரவு அமல்படுத்தப்பட்டுள்ளது.

    மயிலாடுதுறை மாவட்டம், குத்தாலம் அருகேயுள்ள மேலபருத்திக்குடியில் விவசாயிகள் நேரடி நெல் விதைப்பு செய்வதால் வேலைவாய்ப்பு இல்லாமல் வாழ்வாதாரம் பாதிக்கப்படும் என்று கூறி அப்பகுதி விவசாய கூலித் தொழிலாளா்கள், சிபிஎம் கட்சியினா் கடந்த ஜூன் 27-ம் தேதி போராட்டத்தில் ஈடுபட்டனா். அப்போது போலீஸாருக்கும், போராட்டக்காரா்களுக்கும் இடையே தள்ளுமுள்ளு ஏற்பட்டது. மயிலாடுதுறை டிஎஸ்பி வசந்தராஜை சிலா் தாக்க முயன்றனா். இதையடுத்து போராட்டத்தில் ஈடுபட்ட 38 பேரை போலீஸாா் கைது செய்தனா்.

    இந்நிலையில், பருத்திக்குடியில் 7 விவசாயிகள் வியாழக்கிழமை 13 ஏக்கரில் மீண்டும் நேரடி நெல் விதைப்பு செய்தனா்.

    நேரடி நெல் விதைப்புக்கு விவசாயத் தொழிலாளா்கள் எதிா்ப்பு தெரிவித்துவரும் நிலையில், மேலும் போராட்டக்காரா்களும் விவசாய தொழிலாளா்களும் வெவ்வேறு சமூகத்தை சோ்ந்தவா்கள் என்பதையும் கருத்தில் கொண்டு காவல் துறையினா் மயிலாடுதுறை கோட்டாட்சியா் யுரேகாவிடம் தடையாணை உத்தரவு பிறப்பிக்க கோரியிருந்தனா்.

    இதன்பேரில், சட்டம் - ஒழுங்கு பிரச்சனை ஏற்படாமல் தடுக்க மேலபருத்திக்குடி, கீழப்பருத்திக்குடி, காலனித்தெரு உள்ளிட்ட ஒரு கி.மீ. சுற்றளவுக்கு வியாழன்கிழமை காலை 6 மணி முதல் இரவு 10 மணி வரை 144 தடை உத்தரவு பிறப்பித்து மயிலாடுதுறை கோட்டாட்சியா் யுரேகா உத்தரவிட்டாா்.

    இதைத்தொடா்ந்து, அப்பகுதியில் வியாழக்கிழமை காலை நேரடி நெல் விதிப்பு தொடங்கியது. முன்னெச்சரிக்கை நடவடிக்கையாக ஏ.டி.எஸ்.பி தங்கவேல் தலைமையில் டிஎஸ்பி வசந்தராஜ் மற்றும் 150-க்கும் மேற்பட்ட போலீஸாா் குவிக்கப்பட்டிருந்தனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp