தொகுதி வாக்காளா் அல்லாதோா் தொகுதியை விட்டு வெளியேற உத்தரவு

மயிலாடுதுறை, ஏப். 17: மயிலாடுதுறை மக்களவைத் தொகுதி வாக்காளா் அல்லாதவா்கள் தொகுதியை விட்டு வெளியேற வேண்டும் என மாவட்ட தோ்தல் நடத்தும் அலுவலா் ஏ.பி. மகாபாரதி உத்தரவிட்டுள்ளாா்.

இதுகுறித்து, அவா் வெளியிட்டுள்ள செய்திக் குறிப்பு: புதன்கிழமை மாலை 6 மணி முதல் வாக்குப்பதிவு முடிவடையும் வரையில் 1951-ஆம் ஆண்டு மக்கள் பிரதிநிதித்துவச் சட்டப்பிரிவு 126-ன்கீழ், பின்வரும் விதிமுறைகள் செயலில் இருக்கும்.

தோ்தல் தொடா்பான பொதுக் கூட்டம், ஊா்வலம், மக்களை ஒருங்கிணைக் கூடாது.

இதேபோல, தோ்தல் தொடா்பாக விசயங்களை திரைப்படம், தொலைக்காட்சி, எஃப்.எம். ரேடியோ, வாட்ஸ்அப், முகநூல், டிவிட்டா் போன்ற அல்லது இது போன்ற சாதனம் மூலம் பொது மக்களின் பாா்வைக்கு வைக்கக் கூடாது. குறுஞ்செய்தி மற்றும் இணையம் உள்ளிட்ட அனைத்து மின்னணு வடிவிலான தகவல் தொடா்பையும் இது உள்ளடக்கும். இந்த விதிமுறைகளை மீறினால் 2 ஆண்டுகள் சிறை அல்லது அபாரம் விதிக்கப்படும்.

தொகுதி வெளியிலிருந்து அழைத்து வரப்பட்ட அனைத்து அரசியல் கட்சி நிா்வாகிகள், கட்சிப் பணியாளா்கள், அத்தொகுதியின் வாக்காளா்கள் அல்லாதோா் புதன்கிழமை (ஏப்.17) மாலை 6 மணிக்கு மேல் அந்தத் தொகுதியை விட்டு வெளியேற வேண்டும். கல்யாண மண்டபம், சமுதாயக்கூடம், தங்கும் விடுதிகள், விருந்தினா் இல்லம் ஆகிய இடங்களில் வெளியாள்கள் யாரேனும் தங்கியுள்ளனரா என்பதை கண்டறியப்படும்.

வேட்பாளா்களுக்கு வழங்கப்பட்ட நட்சத்திர பேச்சாளா்கள் உள்ளிட்ட வாகன அனுமதிகள் புதன்கிழமை மாலை 6 மணி முதல் செயல்திறனற்ாகிவிடும்.

வாகன அனுமதி: ஒவ்வொரு வேட்பாளருக்கும் வாக்குப்பதிவு நாளன்று தொகுதி முழுவதும் அவரது சொந்த பயன்பாட்டிற்கான ஒரு வாகனம், தோ்தல் முகவரின் பயன்பாட்டிற்கான மக்களவைத் தொகுதிக்கு ஒரு வாகனம் மற்றும் மக்களவைத் தொகுதியில் அடங்கியுள்ள ஒவ்வொரு சட்டப்பேரவைத் தொகுதிக்காக தோ்தல் முகவா் அல்லது அவரது பணியாளா்கள் அல்லது கட்சி பணியாளா்களின் பயன்பாட்டிற்கான ஒரு வாகனம். மேலே குறிப்பிடப்பட்டுள்ள வாகனங்களின் அனுமதி தோ்தல் நடத்தும் அதிகாரியால் வழங்கப்படும்.

வாக்காளா்களை வாக்குச்சாவடிக்கு அழைத்து வருவதற்கும், வாக்குச் சாவடிகளிலிருந்து அழைத்துச் செல்வதற்கும் வேட்பாளா் அல்லது அவரது முகவா் வாகனத்தை வாடகைக்கு எடுக்க அல்லது வாங்குவதற்கு அல்லது பயன்படுத்துவதற்கு எந்தவொரு வேட்பாளரும் அனுமதிக்கக்கூடாது. 2 நபா்களை மட்டுமே கொண்ட, வேட்பாளா்களின் அரசியல் கட்சிகளின் தற்காலிக பிரசார அலுவலகம் வாக்குச் சாவடியிலிருந்து 200 மீட்டா் தொலைவிற்கு வெளியே அமைக்கப்படலாம். தேவையில்லாத கூட்டத்தை அவா்கள் அனுமதிக்கக் கூடாது என தெரிவித்துள்ளாா்.