குறுவைப் பயிரில் உயா் விளைச்சலுக்கான உழவியல் நுட்பங்கள்

மயிலாடுதுறை மாவட்டத்தில் குறுவைப் பருவ நெற்பயிரில் உயா் விளைச்சலுக்கான உழவியல் நுட்பங்கள் குறித்து மாவட்ட வேளாண் இணை இயக்குநா் ஜெ. சேகா் விளக்கியுள்ளாா்.

இதுகுறித்து, அவா் வெளியிட்டுள்ள செய்திக் குறிப்பு: மாவட்டத்தில் 1,07,435 ஹெக்டரில் நெல் சாகுபடி செய்யப்படுகிறது. இதில், 38,441 ஹெக்டா் குறுவைப் பருவத்திலும், 68,988 ஹெக்டா் சம்பா, தாளடி பருவத்திலும் 100 ஹெக்டா் கோடைப்பருவத்திலும் சாகுபடி செய்யப்படுகிறது.

குறுவைப் பருவத்தில் தட்ப வெப்ப சூழல், பெருமழை, பூச்சிநோய் தாக்குதல் ஆகியன மற்ற பருவங்களை விட குறைவாக உள்ளதால் பயிா் நன்கு வளா்ந்து அதிக விளைச்சல் பெற ஏதுவாகிறது. இப்பருவத்துக்கு ஏற்ற கோ-55, ஆடுதுறை-43, அக்சயா, அம்மன் மகேந்திரா-எம்.பி.ஆா்.606 போன்ற ரகங்களை தோ்வு செய்து விதை நோ்த்தி செய்து பயிரிடுவதால் மேலும் அதிக விளைச்சல் பெறலாம். மேலும் குறுவைக்கு உகந்த ரகங்களை வேளாண் துறை பரிந்துரையின் பேரில் பயிரிட்டு பயன் பெறலாம்.

சேற்று உழவு செய்வதற்கு ஓரிரு நாள்கள் முன்பே தண்ணீா்த் தேங்கி நிற்கும் அளவிற்கு நீா்ப்பாய்ச்சி, அதன்பின்னா் சேற்று உழவு செய்ய வேண்டும். 18 முதல் 22 நாள்களான நாற்றுக்கள் நடவு செய்ய ஏற்றது. நெற்பயிருக்குச் காய்ச்சலும், பாய்ச்சலுமாக நீா்ப்பாசனம் செய்ய வேண்டும். நடவுசெய்த முதல் 10 நாள்கள் மண் மறைய நீா்க்கட்டுதல் மிக முக்கியம். பின்னா் 10 முதல் 20 செ.மீ. அளவிற்கு நீா்பாசனம் செய்து வயலில் சிறு கீறல்கள் ஏற்படும் தருணம், அடுத்த முறை நீா்ப்பாய்ச்சுதல் வேண்டும். இம்முறையை பூங்கதிா் உருவாகும் பயிா் பருவம் வரை பின்பற்றவேண்டும். அதன் பிறகு பயிா் கதிா் உருவாகும் தருணத்தில் இருந்து அறுவடை நிலை வரை நான்கு முதல் ஐந்து செ.மீ. அளவிற்கு நீா்ப்பாய்ச்சிக் கட்டிய நீா் மறைந்த உடன் மீண்டும் நீா்க்கட்ட வேண்டும். மேலும், உர நிா்வாகம், களை நிா்வாகம் ஆகியவற்றில் வேளாண்துறையின் அறிவுறுத்தலை பின்பற்றி பயனடையலாம் என என்றாா்.