மழைநீர் வடிகால் வாய்க்கால் தூர்வாரும் பணி மும்முரம்

திருக்கடையூரில் மழைநீர் வடிகால் வாய்க்கால் தூர்வாரும் பணி மும்முரமாக நடைபெற்று வருகிறது.
திருக்கடையூர் ஊராட்சிக்கு உள்பட்ட பேருந்து நிறுத்தம் மற்றும் கடைவீதி பகுதியில் மழைநீர் வடிகால் வாய்க்கால் பழுதடைந்து அடைப்பு ஏற்பட்டிருந்தது. இதனால் அப்பகுதியில் இருந்து வெளியேறும் கழிவு நீர் செல்ல முடியாமல் தேங்கி துர்நாற்றம் வீசியது.
இதைத்தொடர்ந்து, திருக்கடையூர் ஊராட்சி நிர்வாகம் சார்பில், பொக்லைன் இயந்திரம் கொண்டு தூர்வாரும் பணி மும்முரமாக நடைபெற்று வருகிறது. ஊராட்சி செயலாளர் வெங்கடேஷ்  
உள்ளிட்டோர் பணியைக் கண்காணித்து வருகின்றனர்.