வேதாரண்யத்தை அடுத்த ஆயக்காரன்புலம் தொடக்க வேளாண் கூட்டுறவு வங்கியில் 1,966 விவசாயிகளுக்கு பயிர்க் காப்பீட்டுத் தொகையாக ரூ.1. 65 கோடி வழங்கும் பணி அண்மையில் தொடங்கியது.
ஆயக்காரன்புலம் தொடக்க வேளாண் கூட்டுறவு வங்கி மூலம் 2017-18-ஆம் ஆண்டுக்கான பயிர்க் காப்பீட்டுத் திட்டத்தில் பதிவு செய்த 1,966 விவசாயிகளுக்கு இழப்பீட்டுத் தொகையாக ரூ. 1.65 கோடி ஒதுக்கீடு செய்யப்பட்டது. இதைத்தொடர்ந்து, விவசாயிகளுக்கு காப்பீட்டுத் தொகையைப் பகிர்ந்தளிக்கும் நிகழ்ச்சி நடைபெற்றது. இதில், கூட்டுறவு சங்கத்தின் தலைவர் வி. ராதாகிருஷ்ணன் தலைமை வகித்து, பணியைத் தொடங்கி வைத்தார். வங்கியின் நிர்வாகக்குழு இயக்குநர்கள் செந்தில்குமார், கலியமூர்த்தி, அலுவலர் வாஞ்சிநாதன் உள்ளிட்டோர் பங்கேற்றனர்.