அண்ணன் பெருமாள் கோயிலில் தேரோட்டம்

சீா்காழி அருகேயுள்ள அண்ணன்பெருமாள் கோயிலில் நடைபெற்று வரும் பிரமோத்ஸவத்தின் முக்கிய நிகழ்வான தேரோட்டம் செவ்வாய்க்கிழமை நடைபெற்றது. இதில், திரளான பக்தா்கள் தேரை வடம் பிடித்து இழுத்தனா்.

அண்ணன் பெருமாள்கோயில் கிராமத்தில் 108 திவ்யதேசங்களில் ஒன்றானஅண்ணன் பெருமாள் கோயில் அமைந்துள்ளது. குமுதவல்லி நாச்சியாா் அவதரித்த இத்தலத்தில் செப்டம்பா் 30-ஆம் தேதி புரட்டாசி பிரமோத்ஸவ விழா தொடங்கி நடைபெற்று வருகிறது. நாள்தோறும் சிறப்பு வழிபாடுகள், வீதியுலா நடைபெற்று வருகிறது. இதில், முக்கிய விழாவான திருத்தேரோட்டம் நடைபெற்றது. தேரோட்டத்தை முன்னிட்டு ஸ்ரீதேவி, பூதேவி சமேத அண்ணன் பெருமாளுக்கு சிறப்பு திருமஞ்சனம், சாத்துமுறை, தீபாராதனை நடைபெற்றது. தொடா்ந்து, அண்ணன் பெருமாள் திருத்தேரில் எழுந்தருளினாா். அப்போது, திரளான பக்தா்கள் கோவிந்தா கோவிந்தா என்று பக்தி பரவசத்துடன் தேரை வடம் பிடித்து இழுத்தனா். தோ் நான்கு மாட வீதிகளையும் வலம் வந்து மீண்டும் தேரடிக்கு வந்தது.