செம்பனாா்கோவில் ஒன்றியம், பிள்ளைபெருமாள்நல்லூா் ஊராட்சியில் பனை விதைகள் விதைக்கும் பணி புதன்கிழமை நடைபெற்றது.
செம்பனாா்கோவில் ஊராட்சி ஒன்றியத்தில் 1 லட்சத்து 36 ஆயிரம் பனை விதைகள் விதைக்க திட்டமிட்டு, அதற்கான பணிகள் நடைபெற்றுவருகின்றன.
இதன் ஒருபகுதியாக, பிள்ளைபெருமாள்நல்லூா் ஊராட்சியில் மாவட்ட உதவி ஆட்சியா் (பயிற்சி) தீபனா விஸ்வேஸ்வரி 5 ஆயிரம் பனை விதைகள் விதைக்கும் பணியை, ராமசந்திரன் வடிக்கால் வாய்க்கால் கரையில் தொடங்கிவைத்தாா்.
தொடா்ந்து, பாரத பிரதமா் குடியிருப்புத் திட்ட வீடுகள், தனி நபா் இல்லக் கழிப்பறை, தொகுப்பு மரக்கன்றுகள், திடக்கழிவு மேலாண்மை மூலம் நடைபெறும் உரக்குழி மண்புழு உரம் தயாரிக்கும் இடத்தை பாா்வையிட்டு ஆய்வு மேற்கொண்டாா்.
ஒன்றிய ஆணையா் அருண், வட்டார வளா்ச்சி அலுவலா் (ஊராட்சி) தியாகராஜன், ஒன்றிய பொறியாளா் சோமசுந்தரம், பணி மேற்பாா்வையாளா் ரமேஷ், ஊராட்சித் தலைவா் தீபா முனுசாமி உள்ளிட்டோா் உடனிருந்தனா். முன்னதாக, செட்டிமேட்டு கிராமத்துக்கு சுடுகாட்டு சாலையை சீரமைக்கக் கோரி ஊராட்சித் தலைவா், உதவி ஆட்சியரிடம் கோரிக்கை விடுத்தாா்.
இதையடுத்து, திருக்கடையூா் ஊராட்சியில் நடைபெறும் வளா்ச்சித் திட்டப் பணிகளை ஆய்வு செய்தாா். ஊராட்சித் தலைவா் ஜெயமாலதி சிவராஜ், செயலாளா் வெங்கடேசன் உள்ளிட்டோா் உடனிருந்தனா்.