சீா்காழி அருகே 8 மாதங்களுக்கு முன்பு காணாமல்போன மூதாட்டியின் உடல் எலும்புக்கூடாக வெள்ளிக்கிழமை மீட்க்கப்பட்டது. இதுதொடா்பாக அவரது மகன் கைது செய்யப்பட்டாா்.
சீா்காழியை அடுத்த திருக்கருகாவூரைச் சோ்ந்தவா் சாவித்திரி (70). இவரது கணவா் முனியாண்டி ஏற்கெனவே இறந்துவிட்டாா். சாவித்திரி தனது மகன் வேலுடன் வசித்து வந்த நிலையில், கடந்த 8 மாதங்களுக்கு முன்பு காணாமல்போய்விட்டதாக கூறப்பட்டது. இந்நிலையில், அப்பகுதியில் மழைநீா் வடிகால் அமைப்பதற்காக பள்ளம் தோண்டியபோது, உடல் அழுகிய நிலையில் மனித எலும்புக்கூடு புதைந்திருந்தது தெரிவந்தது. அந்த எலும்புக்கூடுடன் இருந்த புடவை சாவித்திரி அணிந்திருந்தது என அவரது மகள் தையல்நாயகி தெரிவித்தாா்.
இதுகுறித்து, சீா்காழி காவல்நிலையத்தில் புகாா் செய்யப்பட்டது. நிழ்விடத்துக்கு வந்த போலீஸாா், எலும்புக்கூட்டை பரிசோதனைக்காக சீா்காழி அரசு மருத்துவமனைக்கு அனுப்பி வைத்தனா்.
பின்னா், போலீஸாா் மேற்கொண்ட விசாரணையில் சாவித்திரியை அவரது மகன் வேலு மதுபோதையில் கீழே தள்ளிவிட்டதில் அவா் இறந்ததும், அவரது உடலை யாருக்கும் தெரியாமல் வேலு புதைத்ததும் தெரியவந்தது. இதையடுத்து வேலுவை போலீஸாா் கைது செய்தனா்.