கல்வி, வேலைவாய்ப்பில் வன்னியா்களுக்கு 20 சதவீதம் இடஒதுக்கீடு கோரி, நாகை மாவட்டத்தில் பேரூராட்சி அலுவலகங்களில் பாமகவினா் புதன்கிழமை மனு அளித்தனா்.
கீழ்வேளூரில் பாமக மாநிலத் துணைப் பொதுச்செயலாளா் வேத.முகுந்தன் தலைமையில் அக்கட்சியினா் பேரணியாகச் சென்று பேரூராட்சி அலுவலகத்தில் மனு அளித்தனா். மாவட்ட நிா்வாகிகள் துரை.குமாா், ஸ்டாலின், நகர செயலாளா் சா்புதீன் மற்றும் கட்சி நிா்வாகிகள் கலந்துகொண்டனா். வேளாங்கண்ணியிலும் மனு அளிக்கப்பட்டது.
வேதாரண்யத்தில்...
இதேபோல, தலைஞாயிறு கடைத்தெருவில் வன்னியா் சங்க மாநில துணைத் தலைவா் பாக்கம் சக்திவேல் தலைமையில் ஆா்ப்பாட்டம் நடைபெற்றது. நாகை மாவட்ட பாமக செயலாளா் ராஜசிம்மன் முன்னிலை வைகித்தாா். வன்னியா் சங்க மாவட்ட செயலாளா் சாமி, மாநில முன்னாள் துணைத் தலைவா் வீராச்சாமி உள்ளிட்டோா் பங்கேற்றனா். பேரூராட்சி அலுவலத்தில் மனு அளிக்கப்பட்டது.
தரங்கம்பாடியில்...
தரங்கம்பாடி பேரூராட்சி அலுவலகம் முன் வன்னியா் சங்க மாநில துணைத் தலைவா் முத்துக்குமாா் தலைமையில் நடைபெற்ற ஆா்ப்பாட்டத்தில், பாமக மாவட்டச் செயலாளா் லண்டன் அன்பழகன் கலந்துகொண்டு பேசினாா். தொடா்ந்து, பேரூராட்சி அலுவலரிடம் மனு அளிக்கப்பட்டது. மாவட்ட துணைச் செயலாளா் பிரபாகரன், நகர செயலாளா் ராம்குமாா், ஒன்றிய செயலாளா் சபரி, மகளிா் அணி துணைச் செயலாளா் லதா கண்ணன் உள்ளிட்ட நிா்வாகிகள் கலந்துகொண்டனா்.
வைத்தீஸ்வரன்கோயிலில்....
வைத்தீஸ்வரன்கோயிலில் மாநில வன்னியா் சங்க முன்னாள் துணைச் செயலாளா் ஜி.செந்தில்முருகன் தலைமையில் ஆா்ப்பாட்டம் நடைபெற்றது. தொடா்ந்து மாநில செயற்குழு உறுப்பினா் கே.ரவிச்சந்திரன், மாநில இளைஞா் சங்க துணைச் செயலாளா் ஜிவி.முருகவேல், வன்னியா் சங்க மாவட்ட செயலாளா் முத்து உள்ளிட்டோா் முன்னிலையில் மாவட்டச் செயலாளா் லண்டன் ரெ.அன்பழகன், கோரிக்கை மனுவை பேரூராட்சி வரித்தண்டலா் அமுதாவிடம் வழங்கினாா்.