சீா்காழி அடுத்த நிம்மேலியில் 1ஏக்கரில் குறுங்காடுகள் ஏற்படுத்தும் திட்ட தொடக்கவிழா புதன்கிழமை நடைபெற்றது.
சீா்காழி ரோட்டரி சங்கம் சாா்பில் நிம்மேலி கிராமத்தில் இந்து சமய அறநிலையத் துறைக்குச் சொந்தமான கோயில் நிலம் 1ஏக்கா் 14 சென்ட் பரப்பளவில் குறுங்காடுகள் வளா்த்து பராமரிக்கும் திட்டம் தொடக்க விழா ரோட்டரி தலைவா் எஸ். திருநாவுக்கரசு தலைமையில் நடைபெற்றது.
செயலாளா் ஆ. சண்முகம், பொருளாளா் அய்யூப் அன்சாரி, திட்ட இயக்குநா் சந்தானம் ஆகியோா் முன்னிலை வகித்தனா். எம்எல்ஏ பி.வி. பாரதி மரக்கன்றுகளை நட்டுவைத்து, திட்டத்தை தொடங்கிவைத்தாா்.
தொடா்ந்து நாவல், நெல்லி, கொய்யா, எலந்தை, பூவரசன், பலா, வேம்பு,வில்வம், இலுப்பை உள்ளிட்ட பல்வேறு வகையான நாட்டு மரக்கன்றுகள், பழ மரக்கன்றுகள் 2 அடிக்கு ஒன்றாக நடப்பட்டன. இந்த மரக்கன்றுகளுக்கு முள்வேலி அமைத்து, நாள்தோறும் தண்ணீா் ஊற்றி பராமரிக்க பணியாள்கள் நியமிக்கப்பட்டுள்ளனா்.
சுற்றுப்புறசூழலை பாதுகாக்கவும், பசுமை புரட்சிக்கு வித்திடும் வகையில் பல்லுயிா் பெருக்கம் ஆகியவை இந்த திட்டத்தின் நோக்கமாகும் என ரோட்டரி சங்கத் தலைவா் திருநாவுக்கரசு தெரிவித்தாா். விழாவில், முன்னாள் தலைவா்கள் சுடா்.கல்யாணசுந்தரம், செல்வக்குமாா், பிரசாந்த், நலம் பாரம்பரிய விவசாய அறக்கட்டளை செயலாளா் சுதாகா் ஆகியோா் பங்கேற்றனா்.