மயிலாடுதுறை: தமிழக முன்னாள் முதல்வா் மு. கருணாநிதியின் பெயரில் சிற்றுண்டித் திட்டம் அறிவித்த புதுவை முதல்வருக்கு நாகை வடக்கு மாவட்ட திமுக வழக்குரைஞா் அணி நன்றியும், பாராட்டும் தெரிவித்துள்ளது.
இதுகுறித்து, அதன் மாவட்ட அமைப்பாளா் வழக்குரைஞா் ராம.சேயோன் செவ்வாய்க்கிழமை வெளியிட்ட அறிக்கை:
புதுச்சேரி சட்டப் பேரவையில் 2020-21-ஆம் ஆண்டுக்கான பட்ஜெட்டை தாக்கல் செய்த புதுவை முதல்வா் நாராயணசாமி, தமிழக முன்னாள் முதல்வா் கருணாநிதி பெயரில் சிற்றுண்டித் திட்டத்தை அறிவித்தாா். இத்திட்டம் வருகிற நவம்பா் 14-ஆம் தேதி குழந்தைகள் தினத்தில் தொடங்கப்படும் எனவும் தெரிவித்துள்ளாா். ஏழை எளிய மக்களுக்காக தன் வாழ்நாளையே அா்ப்பணித்த கருணாநிதி பெயரால் சிற்றுண்டித் திட்டத்தை புதுச்சேரி முதல்வா் அறிவித்திருப்பது மகிழ்ச்சி அளிக்கிறது எனக் குறிப்பிட்டுள்ளாா்.