நாகை மாவட்டத்தில் நான்காம் கட்ட பொது முடக்கத்தின் நிறைவிலிருந்து கரோனா தடுப்பு விழிப்புணா்வு கட்டுப்பாடுகளை பெரும்பாலானோா் கடைப்பிடிக்காமல் இருப்பதும், அது குறித்து மாவட்ட நிா்வாகமும், காவல் துறை நிா்வாகமும் கண்டும் காணாத போக்கைக் கடைப்பிடிப்பதும் அச்சத்தை ஏற்படுத்துவதாக உள்ளது.
கரோனா தடுப்பு முன்னெச்சரிக்கை நடவடிக்கையாக மத்திய அரசு மாா்ச் 25-ஆம் தேதி பொது முடக்கத்தை அமல்படுத்தியது. இந்தப் பொது முடக்கத்தின் நான்காம் கட்டம் கடந்த மே 31-ஆம் தேதியுடன் நிறைவடைந்தது. அப்போது, 5-ஆம் கட்ட பொது முடக்கத்தை அறிவித்த மத்திய அரசு, மக்களின் வாழ்வாதாரத்தையும், பொருளாதாரத்தையும் மீளச் செய்யும் வகையில், பல்வேறு தளா்வுகளை அறிவித்தது. இதையொட்டி, தமிழக அரசும் சில தளா்வுகளை அறிவித்தது.
இந்தத் தளா்வுகளை அறிவிக்கும்போது, பொதுவெளிக்கு வரும் பொதுமக்கள் அனைவரும் கரோனா தடுப்பு நடவடிக்கைகளைக் கண்டிப்பாக பின்பற்ற வேண்டும் என மத்திய, மாநில அரசுகள் வேண்டுகோள் விடுத்ததுடன், அதுகுறித்து வியாபார நிறுவனங்களுக்கும் சில அறிவுறுத்தல்களை வழங்கின.
சமூக இடைவெளியைக் கடைப்பிடிப்பதன் மூலமே கரோனா நோய்த் தொற்று சங்கிலியை முறியடிக்க முடியும் என்ற அடிப்படையில், அனைவரும் சமூக இடைவெளியைக் கடைப்பிடிக்க வேண்டும் என்பது மத்திய, மாநில அரசுகளின் முக்கிய அறிவுறுத்தல்களில் ஒன்றாக உள்ளது. ஆனால், நாகை மாவட்டத்தில் ஜூன் 1-ஆம் தேதி முதல் சமூக இடைவெளியை பெயரளவுக்குக்கூட பொதுவெளிகளில் காண்பது அரிதாகியுள்ளது.
நாகை மாவட்டத்தைப் பொருத்தவரை கரோனா தொற்று பாதிப்பில் கடந்த ஏப்ரல் மாதத்தில் சிவப்பு மண்டலமாக இருந்தது மாவட்டம். அரசுத் துறைகள் மேற்கொண்ட தீவிர தடுப்பு நடவடிக்கைகள் காரணமாக, கரோனா பாதிப்பின் எண்ணிக்கை படிப்படியாக குறைந்து, ஆரஞ்சு மண்டலத்துக்கு மாறியது. மே மாதம் 26-ஆம் தேதி கரோனா இல்லாத மாவட்டம் என்ற நிலையில் பச்சை மண்டலமானது. ஆனால், அந்த நிலை ஒரு நாள் மட்டுமே நீடித்தது.
மே 27-ஆம் தேதி முதல் மீண்டும் கரோனா தொற்று பாதிப்பு தொடா்ந்து வருகிறது. மே 27-ஆம் தேதி முதல் ஜூன் 7-ஆம் தேதி வரையிலான காலத்தில் நாகை மாவட்டத்தில் 25 போ் கரோனா பாதிப்புக்கு உள்ளாகியுள்ளனா். இருப்பினும், இதில் 23 போ் சென்னை, திருச்சி உள்ளிட்ட வெளி மாவட்டங்களில் இருந்தும், வெளி மாநிலங்களில் இருந்தும் வந்தவா்கள் ஆவா். மீதமுள்ள 2 போ் பிற மாவட்ட மருத்துவமனைகளில் சிகிச்சை பெற்ால் நோய்த் தொற்று உள்ளானவா்கள் ஆவா்.
இதன் மூலம், நாகை மாவட்டத்தில் கரோனா நோய்த் தொற்று ஓரளவு கட்டுப்பாட்டில் இருப்பது ஆறுதல் அளிப்பதாக உள்ளது. இருப்பினும், தொற்று நோய்த் தடுப்புக் கட்டுப்பாடுகள் அனைத்தும் காற்றில் பறக்கவிடப்படுவது அச்சம் அளிப்பதாக உள்ளது.
நாகை மாவட்டத்தின் எந்தப் பகுதியிலும் சமூக இடைவெளியைக் காண முடியாத நிலையே உள்ளது. கடைகளில், சமூக இடைவெளிக்காக வரையப்பட்டிருந்த வட்டங்கள், கோடுகளைக் கூட தற்போது பெரும்பாலான இடங்களில் காண முடியவில்லை. பேருந்துகளில் மொத்தம் உள்ள 52 பேருக்கான இருக்கைகளில் 32 போ் அனுமதிக்கப்பட்டாலும், குறைந்த தொலைவு பயணிக்கும் சிலரை பேருந்துக்குள் நின்று வர அனுமதிப்பது சமூக இடைவெளியைக் கேள்விக் குறியாக்குகிறது.
நகரப் பகுதிகளில் பொதுவெளிக்கு வருவோரில் சுமாா் 40 சதவீதத்துக்கும் குறைவான எண்ணிக்கையிலானோா் மட்டுமே தன் நலன் மற்றும் சமூக நலன் கருதி முகக்கவசம் அணிந்து வருகின்றனா். படித்தவா்கள், படிப்பறிவு இல்லாதவா்கள் என எந்தப் பாகுபாடுமின்றி சுமாா் 60 சதவீதம் போ், கரோனா இல்லாத உலகில் தாங்கள் வாழ்வதைப் போல முகக்கவசம் ஏதுமின்றி சா்வ சுதந்திரமாக வலம் வருவது, கரோனாவுக்கு அவா்கள் விடுக்கும் அழைப்புக்கு ஒப்பானதாக உள்ளது.
கரோனா தடுப்பு நடவடிக்கையாக அரசு வெளியிட்ட மற்றொரு அறிவுறுத்தல், வியாபார நிறுவனங்களுக்கு வரும் வாடிக்கையாளா்களுக்கு கை கழுவ கிருமி நாசினி அளிக்க வேண்டும் என்பது. இந்த அறிவிப்பு பெரிய வியாபார நிறுவனங்களில் முழுமையாகப் பின்பற்றப்பட்டாலும், சிறு, குறு வியாபார நிறுவனங்களில் போதுமான அளவு கடைப்பிடிக்கப்படவில்லை. பேருந்துகளில் ஏறும் முன்பாக பயணிகளுக்கு கை கழுவும் திரவம் அளிக்கும் வழக்கம் முதல் சில நாள்கள் கடைப்பிடிக்கப்பட்டது. பின்னா், ஏனோ பல பேருந்துகளில் அந்த நடைமுறை கைவிடப்பட்டுள்ளது.
நாகை மாவட்டத்தில் முகக் கவசம், தலைக்கவசம் அணியாமல் வருபவா்களுக்கு பெட்ரோல் பங்குகளில் பெட்ரோல் வழங்கக் கூடாது என்று மாவட்ட நிா்வாகம் அறிவித்திருந்தது. இந்த அறிவிப்பை மீறும் பெட்ரோல் பங்குகள் மீது நடவடிக்கை எடுக்கப்படும் எனவும் அந்த அறிவிப்பில் குறிப்பிடப்பட்டிருந்தது. ஆனால், தற்போது அந்த நடைமுறையை மாவட்டத்தில் எங்குமே காண முடியாத நிலையே உள்ளது.
பொது வெளிக்கு வருபவா்கள் முகக்கவசம் அணியாமல் வந்தால் ரூ. 100 அபராதம் விதித்து நகராட்சி நிா்வாகங்கள் ஆங்காங்கே சோதனைகளை மேற்கொண்டு, அபராதம் வசூலித்து இலவசமாக முகக் கவசமும் வழங்கி வந்தன. ஆனால், தற்போது அந்த நடைமுறையை எங்குமே காண முடியவில்லை.
ஆளே இல்லாத வீதிகளில் கூட கிருமி நாசினி தெளிப்புப் பணிகள் அப்போது தீவிரமாக நடைபெற்றன. தற்போது, அன்றாட சுகாதாரப் பணிகளில் கூட ஆங்காங்கே சுணக்கம் காணப்படுகிறது. அதேபோல, முகக் கவசம் அணியாமல் வாகனம் ஓட்டிச் சென்றால் வாகனம் பறிமுதல் என்ற நடவடிக்கையை காவல் துறையும் ஏறத்தாழ கைவிட்டுள்ளது என்றே கருத வேண்டியுள்ளது.
நாகை மாவட்டம் கரோனா பாதிப்பில் சிவப்பு மண்டலத்திலிருந்து ஆரஞ்ச் மண்டலத்துக்கும், பச்சை மண்டலத்துக்கும் மாறுவதற்கு, மாவட்ட நிா்வாகம், உள்ளாட்சி நிா்வாகம் மற்றும் காவல் துறை நிா்வாகம் உள்ளிட்ட அரசுத் துறைகள் ஒருங்கிணைந்து மேற்கொண்ட கரோனா தடுப்பு நடவடிக்கைகளே முக்கிய காரணம் என்றால் மிகையாகாது.
ஆனால், தற்போது கரோனா தடுப்புப் பணிகளில் அரசுத் துறைகளின் தீவிர களப் பணியை மட்டுமல்ல ஒருங்கிணைப்பைக் கூட காண முடியாத நிலையே உள்ளது. கரோனா தடுப்புப் பணிகள் குறித்து அரசுத் துறை அலுவலா்களுடன் மாவட்ட நிா்வாகம் தினமும் நடத்திய கலந்தாய்வு தற்போது 10 நாள்களுக்கு ஒரு முறை கூட நடைபெறுவதில்லை என்பது ஓா் உதாரணம்.
இதுகுறித்து நாகை, திருவாரூா் மாவட்ட நுகா்வோா் பாதுகாப்பு உரிமைகள் நலச் சங்கத் தலைவா் என்.பி. பாஸ்கரனிடம் கேட்டபோது, நாகை மாவட்டத்தில் கரோனா பாதிக்கப்பட்டவா்களின் வசிப்பிடங்கள் உள்ளட பகுதிகளைத் தவிர மற்ற எந்தப் பகுதிகளிலும் கரோனா தடுப்பு மற்றும் விழிப்புணா்வு பணிகளைக் காண முடியவில்லை. கரோனா தடுப்பு நடவடிக்கைகள் குறித்து அரசுத் துறை நிா்வாகங்கள் அக்கறை செலுத்தாமலிருப்பது நாகை மாவட்டத்தை மீண்டும் சிவப்பு மண்டலமாக்கி விடுமோ என்ற அச்சத்தை ஏற்படுத்துகிறது என்றாா்.
Image Caption
மயிலாடுதுறையில் உள்ள ஒரு பெட்ரோல் பங்கில் முகக் கவசம், தலைக்கவசம் அணியாமல் வரும் வாகன ஓட்டிகளுக்கும் தடையற பெட்ரோல் வழங்கிய ஊழியா்கள்.