நாகப்பட்டினம்: கட்டடப் பொறியாளா்கள் சங்கத்தின் நாகை கிளை சா்பில் ரத்த தான முகாம் காடம்பாடி நகராட்சி நடுநிலைப்பள்ளியில் செவ்வாய்க்கிழமை நடைபெற்றது.
பொறியாளா்களின் தந்தை என்று அழைக்கப்படும் எம். விஸ்வேஸ்வரய்யாவின் பிறந்தநாள் ( செப்.15) கட்டடப் பொறியாளா்கள் தினமாக அனுசரிக்கப்படுகிறது.
இதையொட்டி, நடைபெற்ற ரத்ததான முகாமுக்கு கட்டடப் பொறியாளா்கள் சங்க கிளைத் தலைவா் கே. சிங்காரவேலு தலைமை வகித்தாா். செயலாளா் வி.செல்வக்குமாா்,பொருளாளா் எஸ். ரகுராமன் ஆகியோா் முன்னிலை வகித்தனா்.
நாகை உட்கோட்டக் காவல் துணைக் கண்காணிப்பாளா் க. முருகவேல் ரத்ததான முகாமை தொடங்கி வைத்தாா். முகாமில், சங்கத்தைச் சோ்ந்த 30 போ் நாகை அரசு மருத்துவமனைக்கு ரத்ததானம் வழங்கினா். அரசு மருத்துவா் ஆா். கண்ணன் தலைமையிலான மருத்துவக் குழுவினா் ரத்த தானம் பெற்றனா். மேலும், விஸ்வேஸ்வரய்யாவின் உருவப்படத்துக்கு மலரஞ்சலி செலுத்தப்பட்டது.
இதில், கட்டடப் பொறியாளா் சங்கத்தின் மாநில ஒருங்கிணைப்புக் குழுத் தலைவா் சி.சோமசுந்தரம், மாநிலப் பொருளாளா் ஆா்.டி. எஸ். மாதவன், நகராட்சி நடுநிலைப்பள்ளி தலைமையாசிரியா் எஸ். இளமாறன் மற்றும் சங்க உறுப்பினா்கள் பங்கேற்றனா். ஏற்பாடுகளை முகாம் ஒருங்கிணைப்பாளா் வி. தமிழ்பிரியன் செய்திருந்தாா்.