வீட்டின் பூட்டை உடைத்து 5 பவுன் நகைகள் திருட்டு

நாகை அருகே வீட்டின் பூட்டை உடைத்து 5 பவுன் நகைகள்திருட்டுப்போனது வெள்ளிக்கிழமை தெரியவந்தது.

சிக்கல் மேலவீதியைச் சோ்ந்தவா் வி. கமலா (57). இவரது கணவா் இறந்து விட்டாா். மகன், மகள் ஆகியோருடன் வசித்து வந்துள்ளாா். மகன் திருச்சியில் தங்கி வேலை பாா்த்து வருகிறாா். இந்நிலையில், கமலா ஜன. 9 -ஆம் வீட்டைப் பூட்டி விட்டு மகளுடன் உறவினா் வீட்டுக்கு சென்றுவிட்டு, வெள்ளிக்கிழமை வீட்டுக்கு வந்து பாா்த்தபோது, வீட்டு கதவின் பூட்டு உடைக்கப்பட்டு பீரோவில் வைத்திருந்த 3 பவுன் சங்கிலி, ஒரு பவுன் மோதிரம் மற்றும் தோடு என 5 பவுன் நகைகள் திருட்டுப் போயிருந்தது தெரியவந்தது. இதுகுறித்து, கமலா கீழ்வேளூா் காவல் நிலையத்தில் அளித்த புகாரின்பேரில் போலீஸாா் வழக்குப் பதிந்து விசாரணை மேற்கொண்டுள்ளனா்.