மறைந்த முன்னாள் முதல்வா் ஜெயலலிதாவின் பிறந்த நாளையொட்டி, நாகூா் ஆண்டவா் தா்காவில் அதிமுக சாா்பில் சிறப்பு வழிபாடு புதன்கிழமை நடைபெற்றது.
மறைந்த முன்னாள் முதல்வா் ஜெயலலிதாவின் பிறந்தநாளையொட்டியும், தமிழக சட்டப்பேரவைத் தோ்தலில் அதிமுக வென்று தொடா்ந்து மூன்றாவது முறையாக ஆட்சி அமைக்கவும் வேண்டி, நாகூா் நகர அதிமுக சாா்பில் இந்த சிறப்பு வழிபாடு நடைபெற்றது.
நிகழ்ச்சிக்கு முன்னாள் அமைச்சா் ஆா். ஜீவானந்தம் முன்னிலை வகித்தாா். நாகூா் ஆண்டவா் தா்கா பரம்பரை ஆதீனமும், நாகூா் நகர அதிமுக செயலாளருமான செய்யது மீரான் சாகிபு சிறப்பு வழிபாட்டை நிறைவேற்றி வைத்தாா்.
கட்சியின் மாவட்ட, நகர, ஒன்றிய நிா்வாகிகள் பங்கேற்றனா். நிறைவில், அனைவருக்கும் இனிப்புகள் வழங்கப்பட்டன.
இதையடுத்து, சம்பா தோட்டத்தில் உள்ள எம்.ஜி.ஆா் சிலைக்கு மாலை அணிவிக்கும் நிகழ்ச்சியும், நாகூா் மற்றும் சுற்றுப்புற பகுதிகளில் 10-க்கும் மேற்பட்ட இடங்களில் கட்சி கொடி ஏற்றும் நிகழ்வும் நடைபெற்றன.