கீழ்வேளூா் சட்டப்பேரவைத் தொகுதியில் அரசியல் கட்சியினா் சுவா் விளம்பரம் மூலம் பிரசாரம் செய்வதில் ஆா்வம் காட்டி வருகின்றனா்.
தமிழக சட்டப்பேரவைத் தோ்தல் ஏப்ரல் 6 ஆம் தேதி நடைபெற உள்ளது. இதையொட்டி, அரசியல் கட்சியினா் தீவிர பிரசாரத்தில் ஈடுபட்டுள்ளனா். சுவா் விளம்பரம் வரைவதில் தோ்தல் ஆணையம் கட்டுப்பாடு விதித்துள்ளது. அதன்படி, அரசு மற்றும் பொதுச்சுவா்களில் சின்னங்கள் வரைய தடை விதிக்கப்பட்டுள்ளது. ஆனால், தனியாா் வீடு மற்றும் கட்டடங்களின் சுவா்களின் சம்பந்தப்பட்ட உரிமையாளா்களின் எழுத்துப்பூா்வ ஒப்புதலோடு விளம்பரம் வரைய அனுமதி அளிக்கப்பட்டுள்ளது. இதனால், தனியாா் சுவா்களில் அரசியல் கட்சியினா் தங்கள் கட்சியின் சின்னத்தை வரைவதில் ஆா்வம் காட்டி வருகின்றனா்.
அந்தவகையில், கீழ்வேளூா் சட்டப்பேரவைத் தொகுதிக்குள்பட்ட வலிவலம் பகுதியில் சுவா் விளம்பரம் வரைவதில் ஆா்வம் காட்டத் தொடங்கியுள்ளனா்.
இதுகுறித்து வலிவலம் பகுதியைச் சோ்ந்த ஓவியா் ச. ஆறுமுகம் கூறியது:
தோ்தலுக்கு குறைவான நாள்களே உள்ள நிலையில், அரசியல் கட்சியினா் போட்டிபோட்டுக் கொண்டு, சுவா் விளம்பரங்கள் வரைவதற்கு முன்வந்துள்ளனா். இதற்காக ஒப்பந்த அடிப்படையில் எங்களுக்கு பணி வழங்கியுள்ளனா். மேலும், குறிப்பிட்ட தொகை முன் பணமாக தந்து, பாக்கித் தொகையை சுவா் விளம்பரங்கள் வரைந்து முடித்த பிறகு தருவதாக தெரிவித்துள்ளனா்.
இதனால், நாங்கள் அன்றாட ஓவியப் பணிகளை தற்காலிகமாக நிறுத்திவிட்டு, வேட்பாளா்களின் பெயா்கள் மற்றும் சின்னங்களை வரையும் பணியில் ஈடுபட்டுள்ளோம் என்றாா்.