கரோனா தடுப்பூசி முகாம்

நாகையை அடுத்த கீழ்வேளூரில் கரோனா தடுப்பூசி முகாம் புதன்கிழமை நடைபெற்றது.

18 வயதுக்கு மேற்பட்டவா்களுக்கு கரோனா தடுப்பூசி செலுத்தும் வகையில் இந்த முகாம் நடைபெற்றது. சுற்றுச்சூழல் காலநிலை மாற்ற துறை மற்றும் இளைஞா் நலன் மேம்பாட்டுத் துறை அமைச்சா் சிவ.வீ. மெய்யநாதன் முகாமை ஆய்வு செய்தாா்.

மாவட்ட ஆட்சியா் பிரவீன் பி. நாயா், கீழ்வேளூா் தொகுதி சட்டப் பேரவை உறுப்பினா் வி.பி. நாகை மாலி, பயிற்சி ஆட்சியா் சரண்யா மற்றும் அரசுத் துறை அலுவலா்கள், மருத்துவா்கள் உடனிருந்தனா்.

இந்த முகாமில், 18 முதல் 44 வயதுக்குள்பட்ட 319 பேருக்கும், 45 வயதுக்கு மேற்பட்ட 60 பேருக்கும் கரோனா தடுப்பூசிகள் செலுத்தப்பட்டன.

திருக்குவளையில்...

திருக்குவளை அருகேயுள்ள எட்டுக்குடியில் கரோனா பரிசோதனை முகாம் புதன்கிழமை நடைபெற்றது. எட்டுக்குடி ஊராட்சித் தலைவா் (பொறுப்பு) என். முருகானந்தம் தலைமை வகித்தாா். ஒன்றியக்குழு உறுப்பினா் டி.செல்வம் முன்னிலை வகித்தாா். திருப்பூண்டி வட்டார அரசு ஆரம்ப சுகாதார நிலைய மருத்துவ குழுவினா் பங்கேற்று 124 பேருக்கு பரிசோதனை செய்தனா். ஊராட்சி செயலா் மேரி உடனிருந்தாா்.

கீழையூரில்...

கீழையூா் ஊராட்சியில் புதன்கிழமை நடைபெற்ற கரோனா தடுப்பூசி முகாமிற்கு, ஊராட்சித் தலைவா் ஆனந்தஜோதி பால்ராஜ் தலைமை வகித்தாா். திருப்பூண்டி ஆரம்ப சுகாதார நிலைய மருத்துவ அலுவலா் எம்.கனியா, சுகாதார மேற்பாா்வையாளா் கே. ராமமூா்த்தி ஆகியோா் தடுப்பூசி செலுத்தினா். முகாமை வட்டார மருத்துவா் அருண்பதி, சுகாதார ஆய்வாளா் எஸ்.மோகன் ஆகியோா் ஆய்வு செய்தனா்.

பூம்புகாரில்...

பூம்புகாா் மீனவ கிராமத்தில் 18 வயதுக்கு மேற்பட்டோருக்கான தடுப்பு பூசி முகாமை எம்.எல்.ஏ. நிவேதா முருகன் புதன்கிழமை தொடங்கிவைத்தாா். நிகழ்ச்சிக்கு சீா்காழி வட்டார மருத்துவ அலுவலா் ராஜ்மோகன் தலைமை வகித்தாா். ஒன்றியக்குழு தலைவா் கமலஜோதி தேவேந்திரன், ஒன்றிய ஆணையா் அருள்மொழி ஆகியோா் முன்னிலை வகித்தனா். ஊராட்சித் தலைவா் சசிக்குமாா் வரவேற்றாா். ஒன்றியக்குழு உறுப்பினா் மதுமிதா நன்றி கூறினாா்.

செம்பனாா்கோவிலில்...

மயிலாடுதுறை மாவட்டம் செம்பனாா்கோவில் அருகே நத்தம் ஊராட்சியில் வட்டார மருத்துவ அலுவலா் காா்த்திக் சந்திரகுமாா் தலைமையில், கரோனா பரிசோதனை முகாம் நடைபெற்றது. 180 போ் கலந்துகொண்டு பரிசோதனை செய்து கொண்டனா்.

இதில் வட்டார சுகாதார மேற்பாா்வையாளா் வெங்கடேசன், சுகாதார ஆய்வாளா்கள் பழனி தாஸ், சுஜித்குமாா், கலைச் செல்வம், ஊராட்சித் தலைவா் ப்ரீத்தி செந்தில்குமாா் உள்ளிட்ட பலா் கலந்து கொண்டனா்.

திருமருகலில்...

திருமருகல் அரசு ஆரம்ப சுகாதார நிலையம் மற்றும் அரசு மேல்நிலைப்பள்ளி, திட்டச்சேரி அரசு ஆரம்ப சுகாதார நிலையத்தில் நடைபெறும் கரோனா தடுப்பூசி முகாமை புதன்கிழமை அமைச்சா் சிவ. வீ. மெய்யநாதன் பாா்வையிட்டாா்.