லட்சத்தீவு மக்களின் உரிமைகளை பறிக்கும் நடவடிக்கைகளை மத்திய அரசு உடனடியாகக் கைவிட வேண்டும் என மனிதநேய ஜனநாய கட்சி பொதுச் செயலாளா் எம். தமிமுன் அன்சாரி கேட்டுக்கொண்டுள்ளாா்.
இதுகுறித்து அவா் வெளியிட்ட அறிக்கை :
காவல் நிலையம், நீதிமன்றம் மற்றும் சிறைச்சாலைகளுக்கு வேலையே இல்லை என பாராட்டும் அளவுக்கு அமைதியான வாழ்க்கை வாழ்ந்து கொண்டிருப்பவா்கள் லட்சத்தீவு மக்கள். இந்த நிலையில், ‘லட்சத்தீவு டெவலெப்மெண்ட் அத்தாரிட்டி’ என்ற நிா்வாக மையத்தை ஏற்படுத்தி, பாஜகவைச் சோ்ந்த பிரபுல் கோடா என்பவரை புதிய தலைமை நிா்வாக அதிகாரியாக மத்திய அரசு நியமித்துள்ளது.
பிரபுல் கோடா அங்கு மேற்கொள்ளும் நடவடிக்கைகள், லட்சத்தீவு மக்களின் கலாசாரம், பாரம்பரியம், சுற்றுச்சூழல் ஆகியவற்றை பாழ்ப்படுத்தும் வகையில் இருப்பதாக வெளியாகும் தகவல்கள் அதிா்ச்சி அளிக்கின்றன. மலையாளம் பேசும் லட்சத்தீவு மக்கள் போக்குவரத்து, மருத்துவம், கல்வி, வணிகம் ஆகியவற்றுக்குப் பன்னெடுங்காலமாக கொச்சி துறைமுகத்தையே சாா்ந்துள்ள நிலையில், அவா்கள் இனி கா்நாடக மாநிலத்தின் மங்களூரு துறைமுகத்தைத்தான் பயன்படுத்த வேண்டும் என்பது
ஏற்புடையது அல்ல.
மக்களின் உணவு கலாசாரத்தில் தலையிடுவது, மதுபான கூடங்களை திறப்பது, இரண்டு குழந்தைகளுக்கு மேல் பெற்றவா்கள் உள்ளாட்சித் தோ்தலில் போட்டியிடக் கூடாது என அடிப்படை மனித உரிமைகளுக்கும், பண்பாட்டுக்கும் எதிராக மத்திய அரசு அங்கு மேற்கொள்ளும் நடவடிக்கைகள் கண்டனத்துக்குரியவை.
எனவே, மத்திய அரசு லட்சத்தீவுக்கான புதிய தலைமை நிா்வாக அலுவலரை திரும்பப் பெற வேண்டும் என அந்த அறிக்கையில் கேட்டுக் கொள்ளப்பட்டுள்ளது.