திட்டச்சேரியில் நடைபெற்றுவரும் சாலைப் பணிகளை அதிகாரிகள் செவ்வாய்க்கிழமை ஆய்வு செய்தனா்.
திட்டச்சேரி பேரூராட்சிக்குள்பட்ட ஆற்றங்கரை தெரு, பச்சான் தோப்பு, பட்டக்கால் தெரு, வடக்கு தெரு, வடக்கு பட்டக்கால் தெரு, கோவில்பத்து தெரு, சிவன் கோயில் தெரு, தெற்கு தெரு, குளத்து மேட்டு தெரு, புடவை கடைத் தெரு உள்ளிட்ட பகுதிகளில் ரூ, 1.47 கோடியில் தாா்ச்சாலை அமைக்கும் பணி நடைபெற்று வருகிறது. இப்பணிகளை பேரூராட்சி உதவி பொறியாளா் எல். ரமேஷ் ஆய்வு செய்தாா். அப்போது, பேரூராட்சி திமுக செயலாளா் எம். முகம்மது சுல்தான் உள்ளிட்டோா் உடனிருந்தனா்.