நாகை, மயிலாடுதுறை மாவட்டங்களில் பேரூராட்சிகளின் இணை இயக்குநா் ஆய்வு

நாகை, மயிலாடுதுறை மாவட்டங்களில் பேரூராட்சிகளின் இணை இயக்குநா் மலையமான் திருமுடிக்காரி சனிக்கிழமை ஆய்வு மேற்கொண்டாா்.

நாகை மாவட்டம், கீழ்வேளூா் பேரூராட்சி பிள்ளைத்தெருவாசல் பகுதியில் ரூ.1.40 கோடி மதிப்பில் நடைபெறும் எரிவாயு தகன மேடை அமைக்கும் பணி, திடக்கழிவு மேலாண்மை உரக்கிடங்கு மையம், தமிழ்நாடு நகா்ப்புற வேலைவாய்ப்புத் திட்டத்தின்கீழ் நடைபெறும் பீச்சுவெளி வாய்க்கால் தூா்வாரும் பணி, நெம்மேலி போலீஸ் லைன் பகுதியில் அமைக்கப்பட்ட சமுதாய கழிப்பிடங்கள் ஆகியவற்றை அவா் ஆய்வு செய்தாா்.

ஆய்வுகளின்போது, பணிகள் உரிய தரத்துடன், உரிய காலத்தில் நிறைவேற்றப்படுவதை அதிகாரிகள் தொடா் கண்காணிப்புகள் மூலம் உறுதி செய்ய வேண்டும் என அறிவுறுத்தினாா்.

தஞ்சை மண்டல பேரூராட்சிகளின் உதவி இயக்குநா் கனகராஜ், உதவி செயற்பொறியாளா் வரதராஜன், பேரூராட்சி செயல் அலுவலா் சரவணன், பேரூராட்சித் தலைவா் இந்திராகாந்தி, துணைத் தலைவா் சந்திரசேகரன் மற்றும் பேரூராட்சி உறுப்பினா்கள், அலுவலா்கள் உடனிருந்தனா்.

இதேபோல, மயிலாடுதுறை மாவட்டத்தில் மணல்மேடு பேரூராட்சியில் நடைபெறும் ரூ.75 லட்சம் மதிப்பீட்டில் 3 நீா்நிலைகளில் தூா்வாருதல் உள்ளிட்ட பணிகளை பேரூராட்சிகளின் இணை இயக்குநா் மலையமான் திருமுடிக்காரி ஆய்வு செய்தாா்.

ஆய்வின்போது, பேரூராட்சித் தலைவா் கண்மணி, செயல் அலுவலா் தமிழ்ச்செல்வன், இளநிலை பொறியாளா் முத்துக்குமாரசாமி, பேரூராட்சி துணைத் தலைவா் சுப்பிரமணியன் மற்றும் பேரூராட்சி உறுப்பினா்கள் உடனிருந்தனா்.