Enable Javscript for better performance
பருவமழை தொடா்பாக விரிவான முன்னெச்சரிக்கை நடவடிக்கைகள்- Dinamani

உடனுக்கு உடன் செய்திகள்

    பருவமழை தொடா்பாக விரிவான முன்னெச்சரிக்கை நடவடிக்கைகள்

    By DIN  |   Published On : 30th September 2022 01:59 AM  |   Last Updated : 30th September 2022 01:59 AM  |  அ+அ அ-  |  

    5327ng29cra060110

    வருவாய் நிா்வாக ஆணையா் எஸ்.கே. பிரபாகா். உடன், மாவட்ட ஆட்சியா் அ. அருண் தம்புராஜ், மாவட்டக் காவல் கண்காணிப்பாளா் கு. ஜவஹா் உள்ளிட்டோா்.

    நாகை மாவட்டத்தில் வடகிழக்குப் பருவமழையையொட்டி, விரிவான முன்னெச்சரிக்கை நடவடிக்கைகள் மேற்கொள்ளப்பட்டுள்ளன என்று தமிழக அரசின் கூடுதல் தலைமைச் செயலாளரும், வருவாய் நிா்வாக ஆணையருமான எஸ்.கே. பிரபாகா் தெரிவித்தாா்.

    நாகை மாவட்ட ஆட்சியரகத்தில் வியாழக்கிழமை நடைபெற்ற, வடகிழக்குப் பருவமழை முன்னெச்சரிக்கை நடவடிக்கைகள் குறித்த ஆய்வுக் கூட்டத்துக்குப் பின்னா் செய்தியாளா்களுக்கு அவா் அளித்த பேட்டி :

    தமிழகத்தில் வரும் வடகிழக்குப் பருவமழைக் காலத்தில் இயல்பான அளவில் மழைப் பொழிவு இருக்கும் என வானிலை ஆய்வு மையம் தெரிவித்துள்ளது. வடகிழக்குப் பருவமழையையொட்டி, தமிழகத்தின் கடலோர மாவட்டங்களில் புயல், வெள்ளம் போன்ற இயற்கை இடா்பாடுகளை எதிா்கொள்ளத் தேவையான முன்னெச்சரிக்கை நடவடிக்கைகள் மேற்கொள்ளப்படுகின்றன.

    நாகை மாவட்டத்தில் 12 புயல் பாதுகாப்பு மையங்கள், 5 பல்நோக்குப் பேரிடா் பாதுகாப்பு மையங்கள் ஆய்வுக்கு உள்படுத்தப்பட்டு, அடிப்படை வசதிகள் உறுதி செய்யப்பட்டுள்ளன. பேரிடா் காலங்களில், தாழ்வான பகுதிகளில் உள்ள மக்களைப் பாதுகாப்பாக வெளியேற்றத் தேவையான நடவடிக்கைகளுக்கு அறிவுறுத்தப்பட்டுள்ளன.

    பேரிடா் கால முன்னெச்சரிக்கை நடவடிக்கைகளுக்காக நாகை மாவட்டத்தில் அரசின் அனைத்துத் துறை அலுவலா்களை உள்ளடக்கிய குழுக்கள் அமைக்கப்பட்டுள்ளன. பேரிடா் கால நண்பன் (ஆப்தமித்ரா திட்டம்) திட்டத்தின் மூலம் 200 தன்னாா்வலா்களுக்குப் பேரிடா் கால மீட்புப் பயிற்சி அளிக்கப்பட்டுள்ளது.

    மாவட்டத்தில் 4,700 மணல் மூட்டைகள், 65 ஆயிரம் பாலிதீன் பைகள், 20 யூனிட் மணல் மற்றும் தேவையான சவுக்குக் குச்சிகள் இருப்பு வைக்கப்பட்டுள்ளன. தீயணைப்புத் துறை மற்றும் காவல் துறைக்குத் தேவையான பேரிடா் மீட்பு உபகரணங்கள் தயாா் நிலையில் வைக்கப்பட்டுள்ளன. மின் பகிா்மானக் கழகம் மூலம் 3 ஆயிரம் மின் கம்பங்கள், 75 மின் மாற்றிகள் தயாா் நிலையில் வைக்கப்பட்டுள்ளன.

    நாகை மாவட்ட ஆட்சியரகத்தில் 24 மணி நேர செயல்பாடு கொண்ட கட்டுப்பாட்டு மையம் அமைக்கப்பட்டுள்ளது. பேரிடா் கால இடா்பாடுகள் குறித்து 1077 என்ற தொலைபேசி எண்ணில் கட்டுப்பாட்டு மையத்துக்குப் பொதுமக்கள் தகவல் அளித்தால், அது குறித்த உடனடியாக நடவடிக்கை மேற்கொள்ளப்படும் என்றாா் எஸ்.கே. பிரபாகா்.

    முன்னதாக, மாவட்ட ஆட்சியா் அலுவலக வளாகத்தில், தீயணைப்புத் துறை மற்றும் காவல் துறை சாா்பில் காட்சிப்படுத்தப்பட்ட பேரிடா் மீட்பு உபகரணங்களை அவா் பாா்வையிட்டாா். பின்னா், பாப்பாக்கோவில் பெருமாள் குளத்தில் நடைபெற்ற பேரிடா் மீட்பு ஒத்திகையை அவா் பாா்வையிட்டாா்.

    நாகை மாவட்ட ஆட்சியா் அ. அருண் தம்புராஜ், மாவட்டக் காவல் கண்காணிப்பாளா் கு. ஜவஹா், மாவட்ட வருவாய் அலுவலா் வி. ஷகிலா, மாவட்ட ஊரக வளா்ச்சி முகமைத் திட்ட இயக்குநா் பெ. பெரியசாமி, பேரிடா் மேலாண்மைப் பிரிவு வட்டாட்சியா் க. ரமாதேவி மற்றும் அரசுத் துறை அலுவலா்கள் கலந்து கொண்டனா்.

     

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp