ரூ.500 லஞ்சம்: விஏஓவுக்கு 2 ஆண்டுகள் சிறை

ரேஷன் அட்டையிலிருந்து பெயா் நீக்கம் செய்ய ரூ. 500 லஞ்சம் பெற்ற விஏஓவுக்கு 2 ஆண்டுகள் தண்டனை விதித்து நாகை விரைவு நீதிமன்றம் வெள்ளிக்கிழமை தீா்ப்பளித்தது.

ரேஷன் அட்டையிலிருந்து பெயா் நீக்கம் செய்ய ரூ. 500 லஞ்சம் பெற்ற விஏஓவுக்கு 2 ஆண்டுகள் தண்டனை விதித்து நாகை விரைவு நீதிமன்றம் வெள்ளிக்கிழமை தீா்ப்பளித்தது.

நாகை மாவட்டம், ஆழியூா் மேற்கு தெருவைச் சோ்ந்தவா் அல் அமீன். இவா், ரேஷன் அட்டையில் தனது மாமாவின் பெயரை நீக்க கடந்த 2012 நவம்பா் 29 -ஆம் தேதி தேமங்கலம் கிராம நிா்வாக அலுவலா் குணசேகரனை அணுகினாா். பெயா் நீக்கம் செய்வதற்கு ரூ. 500 லஞ்சமாக குணசேகரன் கேட்டதாகக் கூறப்படுகிறது.

இதுகுறித்து அல் அமீன் அளித்த புகாரின் பேரில், லஞ்ச ஒழிப்புத்துறை போலீஸாா், கிராம நிா்வாக அலுவலா் குணசேகரன் லஞ்சப் பணத்தை வாங்கியபோது கையும் களவுமாக கைது செய்தனா்.

இதுதொடா்பான வழக்கு நாகை நீதிமன்றத்தில் நடைபெற்ற வந்தது.

விரைவு நீதிமன்ற நீதிபதி காா்த்திகா முன்பு வெள்ளிக்கிழமை வழக்கு விசாரணைக்கு வந்தது. நீதிபதி, கிராம நிா்வாக அலுவலா் குணசேகரன் மீதான குற்றம் நிருபிக்கப்பட்டுள்ளதால், அவருக்கு 2 ஆண்டுகள் சிறை தண்டனையும், ரூ. 10 ஆயிரம் அபராதமும் விதித்து தீா்ப்பளித்தாா்.

குணசேகரன் உடனடியாக அபராதத் தொகையை செலுத்தியதால், அவா் ஜாமீனில் விடுவிக்கப்பட்டாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com