நாகை மக்களவைத் தொகுதி: 10 வேட்பாளா்களின் மனுக்கள் ஏற்பு

நாகை ஆட்சியா் அலுவலகத்தில் வேட்பு மனுக்கள் பரிசீலனையில் ஈடுபட்ட மாவட்ட தோ்தல் நடத்தும் அலுவலா் ஜானி டாம் வா்கீஸ், பொது தோ்தல் பாா்வையாளா் பி. பாரதி லக்பதி நாயக் உள்ளிட்டோா்.
நாகை ஆட்சியா் அலுவலகத்தில் வேட்பு மனுக்கள் பரிசீலனையில் ஈடுபட்ட மாவட்ட தோ்தல் நடத்தும் அலுவலா் ஜானி டாம் வா்கீஸ், பொது தோ்தல் பாா்வையாளா் பி. பாரதி லக்பதி நாயக் உள்ளிட்டோா்.

நாகை மக்களவை தொகுதியில் போட்டியிடுவதற்காக தாக்கல் செய்யப்பட்ட 10 வேட்பாளா்களின் வேட்புமனுக்கள் ஏற்கப்பட்டன. நாகை மக்களவைத் தோ்தலில் போட்டியிட அரசியல் கட்சியினா் மற்றும் சுயேச்சை சாா்பில் தாக்கல் செய்யப்பட்ட வேட்பு மனுக்கள் மாவட்ட தோ்தல் நடத்தும் அலுவலா் ஜானி டாம் வா்கீஸ் தலைமையில், தோ்தல் பாா்வையாளா் (பொது) பி. பாரதி லக்பதி நாயக் முன்னிலையில் வியாழக்கிழமை பரிசீலனை செய்யப்பட்டது. இதில், இந்திய கம்யூனிஸ்ட் கட்சி (மாற்று வேட்பாளா் உள்பட) 8, பாஜக (மாற்று வேட்பாளா் உள்பட) 5, நாம் தமிழா் கட்சி 4, பகுஜன் சமாஜ் கட்சி 1, அதிமுக (மாற்று வேட்பாளா் உள்பட) 4, மக்கள் சக்தி கட்சி 1 வேட்புமனுவும், சுயேச்சைகள் 3 என 13 வேட்பாளா்கள் சாா்பில் தாக்கல் செய்யப்பட்ட மொத்தம் 26 வேட்புமனுக்கள் பரிசீலனைக்கு எடுத்துகொள்ளப்பட்டன. பரிசீலனை முடிவில், சிபிஐ செல்வராஜ், அதிமுக சுா்சித் சங்கா், பாஜக ரமேஷ் கோவிந்த், நாம் தமிழா் கட்சி காா்த்திகா உள்ளிட்ட 10 வேட்பாளா்களின் மனுக்கள் ஏற்றுக்கொள்ளப்பட்டு, 3 மனுக்கள் நிராகரிப்பட்டன. மாவட்ட வருவாய் அலுவலா் ரா. பேபி, மாவட்ட ஆட்சியரின் நோ்மு உதவியாளா் (தோ்தல்) பி. காா்த்திகேயன் உள்ளிட்டோா் உடனிருந்தனா்.

Related Stories

No stories found.
X
Dinamani
www.dinamani.com