திமுக கூட்டணி வேட்பாளர்களுக்கு வாக்குச் சேகரிப்பு

கூத்தாநல்லூரில் ஞாயிற்றுக்கிழமை திமுகவினர் வாக்குச் சேகரிப்பில் ஈடுபட்டனர்.
மதச்சார்பற்ற முற்போக்கு கூட்டணியில், நாகை மக்களவைத் தொகுதியில் போட்டியிடும் இந்திய கம்யூனிஸ்ட் கட்சி வேட்பாளர் எம். செல்வராசுக்கு கதிர் அரிவாள் சின்னத்திலும், திருவாரூர் சட்டப் பேரவைத் தொகுதி இடைத் தேர்தலில் போட்டியிடும் திமுக வேட்பாளர் பூண்டி கே. கலைவாணனுக்கு உதயசூரியன் சின்னத்திலும், கூத்தாநல்லூர் நகராட்சி 1 மற்றும் 17-ஆவது வார்டுக்குள்பட்ட பகுதிகளில் திமுக நகரச் செயலர் எஸ்.எம். காதர்உசேன், இந்திய கம்யூனிஸ்ட் கட்சியின் நகரச் செயலர் எம். சுதர்ஸன், விடுதலைச் சிறுத்தைகள் கட்சியின் நகரச் செயலர் ராபின் செல்வம் உள்ளிட்டோர் வாக்குச் சேகரிப்பில் ஈடுபட்டனர்.