காசி விசுவநாதர் கோயிலில் பிரதோஷ வழிபாடு

நீடாமங்கலம் காசி விசுவநாதர் கோயிலில், பிரதோஷ சிறப்பு வழிபாடு வியாழக்கிழமை நடைபெற்றது.
இதை முன்னிட்டு விசாலாட்சி உடனுறை காசிவிசுவநாதர், நந்திகேசுவரர் சன்னிதிகளில் சிறப்பு அபிஷேக ஆராதனைகள், அலங்காரம் செய்யப்பட்டு மகா தீபாராதனை காட்டப்பட்டது. இதில், திரளான பக்தர்கள் கலந்துகொண்டனர். 
இதேபோல், நரிக்குடி எமனேசுவரர் கோயில், பூவனூர் சதுரங்கவல்லபநாதர் கோயில் உள்ளிட்ட சிவாலயங்களிலும் பிரதோஷ சிறப்பு வழிபாடு நடைபெற்றது.