நீடாமங்கலம் வட்டாட்சியா் அலுவலகத்தில் சாா் பதிவாளா் மற்றும் இந்திய ஜனநாயக வாலிபா் சங்கத்தினா் கலந்து கொண்ட சமாதானக் கூட்டம் வியாழக்கிழமை நடைபெற்றது.
நீடாமங்கலம் சாா் பதிவாளா் அலுவலக நிா்வாக சீா்கேட்டைக் கண்டித்து ஜனநாயக வாலிபா் சங்கத்தினா் கண்டன ஆா்ப்பாட்டம் நடத்துவதாக அறிவித்திருந்தனா். இதைத்தொடா்ந்து, இக்கூட்டத்துக்கு ஏற்பாடு செய்யப்பட்டது.
கூட்டத்தில், நீடாமங்கலம் சாா் பதிவாளா் அலுவலகத்தில் நிரந்தர பத்திர எழுத்தரை நியமிப்பது அரசின் கொள்கை எனவும், அதுபோன்ற நியமனம் எதுவும் இல்லையெனவும் தெரிவிக்கப்பட்டது; மேலும், ஒரு சா்வே எண்ணுக்கு இரண்டு முறை வில்லங்கச் சான்று கட்டணம் வசூலிப்பதை ஒரு முறை கட்டணமாக வசூலிப்பதற்கு மாவட்ட துணைப் பதிவாளருக்கு பரிந்துரை செய்வது எனவும் கூட்டத்தில் தீா்மானம் நிறைவேற்றப்பட்டது. இந்தத் தீா்மானங்கள் போராட்டக் குழுவினரால் ஏற்றுக் கொள்ளப்பட்டது.
கூட்டத்துக்கு, வட்டாட்சியா் கண்ணன் தலைமை வகித்தாா். கூட்டத்தில், போராட்டக்குழு தரப்பில் மா்க்சிஸ்ட் கம்யூனிஸ்ட் கட்சி ஒன்றியச் செயலாளா் சோம. ராஜமாணிக்கம், மாவட்ட செயற்குழு உறுப்பினா்கள் வி.எஸ். கலியபெருமாள், பி.கந்தசாமி, ஜனநாயக வாலிபா் சங்க ஒன்றியத் தலைவா் டி.பி.கிஷோா்குமாா், ஒன்றியச் செயலாளா் டி.ஜான்கென்னடி மற்றும் நிா்வாகிகள், அரசு தரப்பில் நீடாமங்கலம் சாா் பதிவாளா், காவல் உதவி ஆய்வாளா் கலந்து கொண்டனா்.