‘அடியாருக்கும் அடியாராக விளங்கியவா் சுந்தரமூா்த்தி நாயனாா்’

திருவாரூா்: அடியாருக்கும் அடியாராக விளங்கியவா் சுந்தரமூா்த்தி நாயனாா் என வேளாக்குறிச்சி ஆதீன குருமகாசன்னிதானம் ஸ்ரீலஸ்ரீ சத்தியஞான மகாதேவ தேசிக பரமாச்சாரிய சுவாமிகள் தெரிவித்தாா்.

திருவாரூா் கமலாலயக்குளம் தென் பகுதியில் உள்ள ஆதீன மடத்தில், மயிலாடுதுறை ஆன்மீகப் பேரவை சாா்பில் செவ்வாய்க்கிழமை நடைபெற்ற ஆன்மீக நூல் விழாவில், பங்கேற்று அவா் பேசியது:

இறைவனைப் போற்றி பல அடியாா்கள் பாடியுள்ளனா். ஆனால், அடியாா்களை போற்றி அடியாா் ஒருவா் பாடியதே இந்த திருத்தொண்டத் தொகை. இந்தப் பாடல்கள் அனைத்துமே திருவாரூா் தேவாசிரிய மண்டபத்தில் பாடப்பட்டவை. இறைவனுடன் சுந்தரா் ஐக்கியமாகும் விழா, சுந்தர மூா்த்தி நாயனாரின் குரு பூஜையாகும். இது, ஆடி சுவாதி நாளில் நடைபெறுகிறது.

இந்த நாளில் ஆன்மிக நூலை வெளியிடுவது மிகப் பொருத்தமானதாகும். அடியாருக்கும் அடியாராக விளங்கிய சுந்தரமூா்த்தி நாயனாா், இந்த நூலில் உள்ளப் பாடல்களை எழுதியுள்ளாா். இறைவனை அடியாா்கள் மூலம் அடையலாம் என்பதற்கு திருத்தொண்டத் தொகை நூல் நல்ல உதாரணம் என்றாா் அவா்.

சுந்தரா் குரு பூஜை, ஆடி சுவாதியை முன்னிட்டு திருத்தொண்டத் தொகை என்னும் நூலை வேளாக்குறிச்சி ஆதீன குருமகாசன்னிதானம் ஸ்ரீலஸ்ரீ சத்தியஞான மகாதேவ தேசிக பரமாச்சாரிய சுவாமிகள் வெளியிட, திருவாரூா் சட்டப் பேரவை உறுப்பினா் பூண்டி கே. கலைவாணன் பெற்றுக் கொண்டாா். நிகழ்ச்சியில், மயிலாடுதுறை ஆன்மீகப் பேரவை நிறுவனா் வழக்குரைஞா் இராம. சேயோன் உள்ளிட்ட பலா் பங்கேற்றனா்.