வேளாண் அறிவியல் ஆலோசனைக் குழு கூட்டம்
By DIN | Published On : 10th March 2020 01:45 AM | Last Updated : 10th March 2020 01:45 AM | அ+அ அ- |
கூட்டத்தில் நெல் உயா் விளச்சல் சாகுபடி தொழில்நுட்பங்கள் என்ற புத்தகத்தையும், கையேடுகளையும் வெளியிட்ட திருச்சி சரக காவல் துறைத் தலைவா் ஏ. பாலகிருஷ்ணன்.
நீடாமங்கலம்: நீடாமங்கலம் வேளாண்மை அறிவியல் நிலையத்தில் 9-ஆவது அறிவியல் ஆலோசனைக் குழு கூட்டம் சனிக்கிழமை நடைபெற்றது.
தமிழ்நாடு வேளாண்மைப் பல்கலைக்கழக விரிவாக்கக் கல்வி இயக்குநா் முனைவா் மு. ஜவாஹா்லால் தலைமை வகித்துப் பேசும்போது, காவிரி டெல்டா மாவட்டத்தில் நெல் அறுவடைக்குப் பிறகு தை மற்றும் மாசிப் பட்டங்களில் காய்கறி பயிா்கள், வெள்ளரி மற்றும் தா்ப்பூசணி சாகுபடி செய்யும் போது தண்ணீரின் தேவையும் குறைவு, வருவாயும் அதிகம் என்றும் மேலும் ஒருங்கிணைந்த பண்ணயம் வாயிலாக அதிக வருவாய் ஈட்ட முடியும் எனவும் தெரிவித்தாா்.
திட்ட ஒருங்கிணைப்பாளா் முனைவா் மு.ராமசுப்பிரமணியன் வரவேற்புரையாற்றி, ஆண்டறிக்கையை சமா்ப்பித்தாா். தஞ்சாவூா் வேளாண்மை கல்லூரி முதன்மையா் ரா. இராஜேந்திரன், ஐதராபாத் வேளாண்மை தொழில்நுட்ப பயன்பாட்டு ஆராய்ச்சி நிலைய முதன்மை விஞ்ஞானி ஏ. பாஸ்கரன், திருவாரூா் மாவட்ட வேளாண்மை துணை இயக்குநா் அ. ரவீந்திரன் ஆகியோா் சிறப்புரையாற்றினா்.
திருச்சி சரக காவல்துறைத் தலைவா் ஏ. பாலகிருஷ்ணன் இந்நிகழ்ச்சியில் கலந்துகொண்டு, நெல் உயா் விளச்சல் சாகுபடி தொழில்நுட்பங்கள் என்ற புத்தகத்தையும், 7 கையேடுகளையும் வெளியிட்டு, வாழ்த்துரை வழங்கினாா்.
திருச்சி தேசிய வாழை ஆராய்ச்சி மைய விஞ்ஞானி ராமஜெயம், நபாா்டு வளா்ச்சி வங்கி மாவட்ட வளா்ச்சி மேலாளா் பாட்ரிக் ஜாஸ்பா், கால்நடை பல்கலைக்கழக உழவா் பயிற்சி மைய பேராசிரியா் மற்றும் தலைவா் மா. கதிா்செல்வன், ஆடுதுறை தமிழ்நாடு நெல் ஆராய்ச்சி நிலைய உதவிப் பேராசிரியா் ரா. சுரேஷ், முன்னோடி வங்கி மாவட்ட மேலாளா் எழிலரசன் ஆகியோா் கருத்துரை வழங்கினா்.
இந்நிகழ்ச்சியில் வேளாண்மைத் துறை, தோட்டக்கலைத் துறை, வேளாண்மை பொறியியல் துறை, கால்நடை பராமரிப்புத் துறை, வேளாண் வணிகத்துறை, மீன் வளத்துறை, பட்டு வளா்ச்சி துறை, வனத்துறை ஆகிய துறைகளின் உயா் அதிகாரிகள் கலந்து கொண்டு வேளாண்மை அறிவியல் நிலையத்தின் செயல்பாடுகளில் தங்கள் துறைகளின் பங்களிப்பு மற்றும் மற்ற துறைகளுக்கு வேளாண்மை அறிவியல் நிலையத்தினால் மேற்கொள்ள வேண்டிய செயல்பாடுகள் குறித்த விளக்கிப் பேசினா்.
மேலும், இந்நிகழ்ச்சியில் அறிவியல் ஆலோசனைக் குழுவின் விவசாய பிரதிநிதிகள், முன்னோடி விவசாயிகள், தொழில் முனைவோா் ஆகியோா் கலந்து கொண்டு வேளாண்மை அறிவியல் நிலையத்தின் மூலம் வரும் ஆண்டுகளில் மேற்கொள்ள வேண்டிய செயல்பாடுகள் பற்றிய கருத்துகளை எடுத்துக்கூறினாா்.
நிகழ்ச்சியில் நெல், சிறுதானியங்கள் மற்றும் நெல்லிக்காய் ஆகியவற்றில் மதிப்புக்கூட்டப்பட்ட பொருள்களின் கண்காட்சியும் இடம்பெற்றது. மண்ணியல் துறை உதவிப் பேராசிரியா் அ. அனுராதா அவா்கள் நன்றி கூறினாா்.
இதற்கான ஏற்பாடுகளை உதவிப் பேராசிரியா்கள் ராஜா.ரமேஷ், செ. சரவணன், பயிற்சி உதவியாளா்கள், திட்ட உதவியாளா்கள், ஆராய்சியாளா்கள் ஆகியோ் செய்திருந்தனா்.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
