ஆயுதப்படை போலீஸாருக்கு கண் பரிசோதனை

திருவாரூரில் ஆயுதப்படை போலீஸாருக்கு கண் பரிசோதனை முகாம் சனிக்கிழமை நடைபெற்றது.

மாவட்ட ஆயுதப்படை மைதானத்தில் நடைபெற்ற முகாமை, மாவட்டக் காவல் கண்காணிப்பாளா் எம். துரை தொடங்கி வைத்தாா். இதில், சுமாா் 300 ஆயுதப்படை போலீஸாா் பங்கேற்று, கண் பரிசோதனை செய்து கொண்டனா். நிகழ்ச்சியில், திருவாரூா் லயன்ஸ் கண் மருத்துவமனை மருத்துவக் குழுவினா், ஆயுதப்படை மைதானத்துக்கு வருகை தந்து கண் பரிசோதனை செய்தனா்.