வேட்புமனு பரிசீலனை: தோ்தல் பாா்வையாளா் ஆய்வு

திருவாரூா் கோட்டாட்சியா் அலுவலகத்தில், தோ்தல் பாா்வையாளா் ராம் லஹான் பிரஷாத், சனிக்கிழமை ஆய்வு மேற்கொண்டாா்.

திருவாரூா் மற்றும் நன்னிலம் சட்டப்பேரவைத் தொகுதிகளுக்கு தோ்தல் பாா்வையாளராக ராம் லஹான் பிரஷாத் குப்தா நியமிக்கப்பட்டுள்ளாா்.இவா், திருவாரூா் தோ்தல் நடத்தும் அலுவலகமான கோட்டாட்சியா் அலுவலகத்தில் வேட்புமனு தாக்கல் விவரங்களையும், அதற்கான பதிவேடுகளையும் சனிக்கிழமை பாா்வையிட்டு ஆய்வு செய்து விவரங்களை கேட்டறிந்தாா். அப்போது, திருவாரூா் தொகுதி தோ்தல் நடத்தும் அலுவலரும், கோட்டாட்சியருமான என். பாலச்சந்திரன், வட்டாட்சியா் நக்கீரன் ஆகியோா் உடனிருந்தனா்.