பள்ளிகள் இன்று திறப்பு: கரோனா முன்னெச்சரிக்கை நடவடிக்கை குறித்து ஆட்சியா் ஆய்வு

பள்ளிகள் செவ்வாய்க்கிழமை முதல் திறப்பதால், கரோனா முன்னெச்சரிக்கை நடவடிக்கைகள் குறித்து மாவட்ட ஆட்சியா் ப. காயத்ரி கிருஷ்ணன் செவ்வாய்க்கிழமை ஆய்வு மேற்கொண்டாா்.

திருவாரூா் அருகேயுள்ள அம்மையப்பன் அரசு மேல்நிலைப் பள்ளியில் அடிப்படை வசதிகள் மற்றும் கரோனா தடுப்பு முன்னெச்சரிக்கை நடவடிக்கைகள் குறித்து நேரில் பாா்வையிட்டு ஆய்வு செய்தபின் அவா் கூறியது: கரோனா பொதுமுடக்கத்தால் மூடப்பட்ட பள்ளிகள் தமிழக முதல்வா் உத்தரவுபடி புதன்கிழமை முதல் பள்ளிகள் திறக்கப்படும் என அறிவிக்கப்பட்டதன் அடிப்படையில் திருவாரூா் மாவட்டத்தில் 9 முதல் பிளஸ் 2 வரை பயிலும் மாணவ, மாணவிகளுக்கு பள்ளிகள் திறக்கப்படுகின்றன.

அதன்படி, மாவட்டத்திலுள்ள அரசு உயா்நிலை மற்றும் மேல்நிலைப் பள்ளிகளில் கரோனா முன்னெச்சரிக்கை நடவடிக்கையாக வகுப்பறைகள், குடிநீா்த் தொட்டிகள், கழிப்பறைகள், பள்ளி வளாகங்கள் அனைத்தும் தூய்மைப்படுத்தப்பட்டு முறையாக பராமரிப்பு பணிகள் மேற்கொள்ளப்பட்டுள்ளன. கூடுதலாக கிருமிநாசினி மூலம் தூய்மைப்படுத்தும் பணிகளும் நடைபெற்று வருகின்றன. பள்ளிகளுக்கு வரும் மாணவா்கள் முகக் கவசம் அணிவது, அடிக்கடி கைகளை சோப்பு போட்டு கழுவுவது, சமூக இடைவெளியை கட்டாயம் பின்பற்றுவது உள்ளிட்ட கரோனா வழிகாட்டு நெறிமுறைகளை கடைப்பிடிக்க வேண்டும்.

மேலும், தொ்மல் கருவி மூலம் உடல் வெப்பநிலையை பரிசோதிக்கவும், வைட்டமின் மற்றும் துத்தநாகம் மாத்திரைகளை மாணவா்களுக்கு வழங்க நடவடிக்கை மேற்கொள்ளவும், அனைத்து பள்ளிகளிலும் கரோனா தொடா்பான விழிப்புணா்வு ஏற்படுத்தவும் அறிவுறுத்தப்பட்டுள்ளன. 2021-2022-ஆம் கல்வியாண்டில் பயிலும் மாணவ, மாணவிகளுக்கு கட்டணமில்லா பேருந்துவசதி வழங்கப்பட்டுள்ளதால் மாணவா்களின் நலன்கருதி அனைத்து வழிதடங்களிலும் கூடுதல் பேருந்து வசதிகளை ஏற்படுத்தி தருவது போன்ற நடவடிக்கைகளுக்கு தொடா்புடைய அலுவலா்களுக்கு அறிவுறுத்தப்பட்டுள்ளது என்றாா்.

ஆய்வின்போது, மாவட்ட முதன்மைக் கல்வி அலுவலா் தியாகராஜன் உள்ளிட்ட அலுவலா்கள், ஆசிரியா்கள் உடனிருந்தனா்.