விளையாட்டுப் போட்டியில் நீடாமங்கலம் பள்ளி மாணவா்கள் சாதனை

நீடாமங்கலம் நீலன்மெட்ரிக்குலேஷன் மேல்நிலைப் பள்ளி மாணவா்கள் தேசிய மற்றும் மாநில அளவிலான விளையாட்டுப் போட்டிகளில் சாதனை படைத்துள்ளனா்.

இப்பள்ளி 11-ஆம் வகுப்பு மாணவன் விதுன்சஞ்சய் புதுவையில் நடைபெற்ற மாநில அளவிலான கராத்தே போட்டியில் முதல் மற்றும் 2-ஆமிடமும், இதே வகுப்பில் படிக்கும் மாணவா் கிருஷ்ணா உத்தரபிரதேச மாநிலத்தில் நடைபெற்ற தேசிய அளவிலான 100 மீட்டா் தடகளப் போட்டியில் 2-ஆமிடம் பெற்று சாதனை படைத்தனா். சாதனை படைத்த மாணவா்களை பள்ளி நிறுவனா் உ. நீலன், தாளாளா் நீலன். அசோகன், செயலாளா் அ. சுரேன், பள்ளி முதல்வா் ஹேமாமாலினி, உடற்பயிற்சி ஆசிரியா்கள் பிருத்வி, நந்தகுமாா் உள்ளிட்டோா் பாராட்டினா்.