திருவாரூரில் திருக்கல்யாண உற்சவம்

திருவாரூரில் திருமலை திருப்பதி தேவஸ்தானம் மற்றும் ஆன்மீகம் ஆனந்தம் அமைப்பு இணைந்து ஸ்ரீநிவாஸ திருக்கல்யாண உற்சவத்தை செவ்வாய்க்கிழமை நடத்தின.

தண்டலை எஸ்விடி காம்ப்ளக்ஸ் ஸ்ரீ ஹரிஹர புத்திர அய்யனாா் ஆலயம் எதிரில் நடைபெற்ற நிகழ்ச்சிக்கு அமைப்பின் கௌரவத் தலைவா் ஸ்ரீதரன் தலைமை வகித்தாா். வேலுடையாா் கல்விக் குழுமங்களின் தலைவா் கே. எஸ்.எஸ். தியாகபாரி முன்னிலை வகித்தாா்.

நிகழ்ச்சியில், 63 நாயன்மாா்களின் வாழ்க்கை வரலாறு நூலை ஆன்மீக அருளரசி தேச மங்கையரசி வெளியிட, கல்வியாளா் குடவாசல் தினகரன் பெற்றுக் கொண்டாா். இதேபோல், ஆன்மீகம் ஆனந்தம் அமைப்பின் நிறுவனத் தலைவா் ஜே. கனகராஜன் எழுதிய 60 வயது கடந்து வந்த பாதை நூலை இந்தியன் ஆயில் பொது மேலாளா் ரவிக்குமாா் வெளியிட, தமிழ்நாடு அரிசி ஆலை உரிமையாளா் சங்கத்தின் தலைவா் சின்னசாமி பெற்றுக் கொண்டாா்.

மேலும், ஆன்மீகம் ஆனந்தம் அமைப்பின் சிறப்பு மலரை சீலஸ்ரீ ராகவன் குருஜி வெளியிட, தண்டலை ஊராட்சித் தலைவா் நாகராஜ் பெற்றுக் கொண்டாா்.

தொடா்ந்து, நாட்டின் அமைதிக்காகவும், மக்களின் நோயற்ற வாழ்வுக்காகவும் திருமலா திருப்பதி தேவஸ்தானத்துடன் இனைந்து 5000-க்கும் மேற்பட்ட மக்கள் ஒன்று கூடி ஸ்ரீனிவாச பெருமாளுக்கு திருமணம் செய்து வைத்து பிராா்த்தனை செய்தனா்.