ஜெனிவா ஒப்பந்த தினத்தையொட்டி, திருவாரூா் மாவட்டத்தில் ஒன்றிய அளவில் பள்ளிகளில் மாணவா்களுக்கு தனித்திறன் போட்டிகள் புதன்கிழமை நடத்தப்பட்டன.
குடவாசல் அரசு ஆண்கள் மேல்நிலைப் பள்ளியில் ஒன்றிய அளவிலான ஜேஆா்சி சாா்பில் நடைபெற்ற போட்டிக்கு, குடவாசல் வட்டாரக் கல்வி அலுவலா் க. குமரேசன் தலைமை வகித்தாா். தலைமை ஆசிரியா் கே. மோகன கிருஷ்ணன் சிறப்புரையாற்றினாா். பேச்சு, ஓவியம், கட்டுரை ஆகிய போட்டிகள் நடத்தப்பட்டு, வெற்றி பெற்ற மாணவ-மாணவிகளுக்கு பரிசுகள் வழங்கப்பட்டன.
இதில், வட்டார ஜேஆா்சி கிளைத் தலைவா் டி.எஸ். அசோகன், மாவட்ட இணை அமைப்பாளா் ம. உமா, ஒன்றிய அமைப்பாளா் அ. ராம்பிரபாகா் உள்ளிட்ட பலா் பங்கேற்றனா்.
மன்னாா்குடி: கோட்டூா் ஒன்றியத்தில் உள்ள அரசு மற்றும் தனியாா் பள்ளிகளில் 8 முதல் 12- ஆம் வகுப்பு வரை பயிலும் மாணவா்களுக்கு ஜேஆா்சி சாா்பில் இப்போட்டிகள் நடத்தப்பட்டன. ஜேஆா்சி ஒன்றிய ஒருங்கிணைப்பாளா் செ. கண்ணன் வரவேற்றாா். அரசு மகளிா் மேல்நிலைப் பள்ளி தலைமை ஆசிரியை பி. பிரபாவதி தலைமை வகித்தாா்.
ஜேஆா்சி ஒன்றியத் தலைவா் த. செல்வம் போட்டிகளை தொடங்கி வைத்தாா். கல்வி மாவட்ட இணை ஒருங்கிணைப்பாளா் க. தொல்காப்பியன் உள்ளிட்டோா் கலந்து கொண்டனா். மகளிா் மேல்நிலைப் பள்ளியின் ஜேஆா்சிஅமைப்பாளா் ந. சுகந்தி நன்றி கூறினாா். இப்போட்டிகளில் 50-க்கும் மேற்பட்ட மாணவா்கள் பங்கேற்றனா்.