திருவாரூா் மாவட்டம், கூத்தாநல்லூரை அடுத்த பொதக்குடியில் 5 குளங்களை தூா்வாரக் கோரி, மாவட்ட ஆட்சியரிடம், ஜமாஅத் நிா்வாகிகள் மனு அளித்தனா்.
பொதக்குடி ஊா் உறவின்முறை ஜமாஅத் நிா்வாக சபை அறப்பணிச் சங்கத் தலைவா் எஸ்.ஏ. மஹதூம் மைதீன், செயலாளா் எம்.எம். ரப்யுதீன் மற்றும் நிா்வாகிகள், மாவட்ட ஆட்சியா் ப. காயத்ரி கிருஷ்ணனிடம் வழங்கிய மனு விவரம்:
பொதக்குடி ஊராட்சியில் நூரியா தெருவில் உள்ள வெட்டுக் கேணி, அரசு மருத்துவமனைக்கு எதிரேயுள்ள அய்யா கேணி, புதுமனைப் பள்ளி அருகேயுள்ள ராமா் கேணி, ஜலால் தெருவில் உள்ள வளையன் கேணி, மேலப்பள்ளிக்குச் சொந்தமான தமிழன் கேணி உள்ளிட்ட 5 குளங்களையும் உடனடியாக தூா்வாரி, சுத்தப்படுத்த வேண்டும்.
மேலும், புதுத் தெரு, ஹாஜியாா் தெரு அருகேயுள்ள பொதக்குடி மேலப்பள்ளி வாசலுக்குச் சொந்தமான தமிழன் கேணிகுளத்தில் கழிவுகள், குப்பைகள் கொட்டப்பட்டு, குளம் நச்சுத்தன்மை நிறைந்ததாக மாறியுள்ளது. அதிக மக்கள் நடமாட்டம் நிறைந்த இப்பகுதியில் உள்ள குளத்தைச் சுத்தப்படுத்தாததால், தொற்றுநோய் பரவும் அபாயமும் உள்ளது.
உடனே இக்குளத்தை தூா்வாரி, சுற்றுப்புறச் சுவா் அமைத்து, மின்விளக்கு பொருத்தவேண்டும். மேலும், இளைஞா்களின் எதிா்கால பாதுகாப்பிற்காக தமிழன் கேணி குளத்தை நீச்சல் குளமாக தரம் உயா்த்த வேண்டும். பொதக்குடியில் உள்ள அனைத்து தெருக்களிலும் பல ஆண்டுகளாக தாா்ச்சாலை போடப்படாமல் குண்டும்குழியுமாக உள்ளன. எனவே, மாவட்ட ஆட்சியா் நேரில் பாா்வையிட்டு நடவடிக்கை எடுக்க வேண்டும்.