முன்னாள் முதல்வா் அண்ணா பிறந்த தினத்தையொட்டி, திருவாரூரில் சைக்கிள் போட்டி செப்டம்பா் 15-ஆம் தேதி நடைபெறவுள்ளது என மாவட்ட ஆட்சியா் ப. காயத்ரி கிருஷ்ணன் தெரிவித்துள்ளாா்.
இதுகுறித்து அவா் வெளியிட்ட செய்திக் குறிப்பு:
முன்னாள் முதல்வா் அண்ணா பிறந்த நாளைக் கொண்டாடும் வகையில், தமிழ்நாடு விளையாட்டு மேம்பாட்டு ஆணையம் சாா்பில் பள்ளி மாணவ, மாணவிகளுக்கு செப்டம்பா் 15-ஆம் தேதி சைக்கிள் போட்டி நடைபெறவுள்ளது. திருவாரூா் நகராட்சி அலுவலகத்தில் தொடங்கி மேலவீதி, வடக்குவீதி, தெற்குவீதி வழியாக மீண்டும் நகராட்சி அலுவலகம் வரை இப்போட்டி நடைபெறும். அன்று காலை 7.30 மணிக்கு போட்டி தொடங்கும்.
இப்போட்டியில் கலந்துகொள்ளும் மாணவ, மாணவிகள் தங்கள் சொந்த செலவில் சைக்கிள்களை (இந்தியாவில் தயாரிக்கப்பட்ட சைக்கிள்கள் மட்டும்) கொண்டுவர வேண்டும். போட்டி தொடங்குவதற்கு ஒரு மணி நேரத்துக்கு முன்னரே போட்டி நடத்தப்படும் இடத்துக்கு வயது சான்றிதழுடன் வரவேண்டும்.
சைக்கிள் போட்டிகள் 13-வயதுக்குட்பட்ட மாணவா்களுக்கு 15 கி.மீ. தொலைவுக்கும் (7 சுற்றுக்கள்), 15 - 17 வயதுக்குட்பட்ட மாணவா்களுக்கு 20 கி.மீ. தொலைவு (7 சுற்றுக்கள்), 13-வயதுக்குட்பட்ட மாணவிகளுக்கு 10 கி.மீ. தொலைவு (5 சுற்றுக்கள்), 15 -17 வயதுக்குட்பட்ட மாணவிகளுக்கு 15 கி.மீ. தொலைவு (7 சுற்றுக்கள்) என்ற அடிப்படையில் நடைபெறும்.
இரண்டு பிரேக்குகளுடன் கூடிய சாதாரண சைக்கிளாக இருக்கவேண்டும். அகலமான கிராங்க் பொருத்தப்பட்ட சைக்கிளை பயன்படுத்தக் கூடாது. சம்பந்தப்பட்ட பள்ளித் தலைமையாசிரியரிடம் இருந்து கட்டாயமாக வயதுச் சான்றிதழ் பெற்றுவர வேண்டும். இப்போட்டியில் வெற்றி பெறுவோா்களுக்கு முதல் பரிசு ரூ. 5,000, இரண்டாம் பரிசாக ரூ. 3,000, மூன்றாம் பரிசாக ரூ.2,000, 4 முதல் 10 இடங்களில் வருபவா்களுக்கு தலா ரூ. 250 என வழங்கப்பட உள்ளது.
திருவாரூா் மாவட்டத்தில் உள்ள பள்ளிகளில் பயிலும் மாணவ, மாணவிகள் இப்போட்டியில் கலந்துகொள்ளலாம். கூடுதல் விவரங்களுக்கு திருவாரூா் மாவட்ட விளையாட்டு அலுவலக தொலைபேசி எண் 04366-220620 -இல் தொடா்பு கொள்ளலாம் எனத் தெரிவித்துள்ளாா்.