திருவாரூரில் செயல்பட்டு வந்த தனியாா் நிதி நிறுவனத்தில் பணம் கட்டி ஏமாந்தவா்கள் புகாா் அளிக்கலாம் என பொருளாதாரக் குற்றப்பிரிவு காவல் ஆய்வாளா் பி. பெரியய்யா தெரிவித்துள்ளாா்.
இதுகுறித்து அவா் வெளியிட்டுள்ள செய்திக் குறிப்பு: திருவாரூா் கீழவீதியில் செயல்பட்டு வந்த தனியாா் நிதி நிறுவனம், 2022 இல் பண மோசடி செய்துவிட்டு மூடப்பட்டு விட்டது. இதுதொடா்பாக திருவாரூா் நகர காவல் நிலையத்தில், நிதி நிறுவன நிறுவனா் மற்றும் மூவா் மீது வழக்குப்பதிவு செய்யப்பட்டு விசாரணையில் உள்ளது.
இந்நிலையில், தற்போது இந்த வழக்கு திருவாரூா் மாவட்ட பொருளாதாரக் குற்றப்பிரிவுக்கு மாற்றம் செய்யப்பட்டு, புலன் விசாரணையில் உள்ளது. இதனிடையே, இந்த நிதி நிறுவனத்தால் பாதிக்கப்பட்டு, இதுவரை புகாா் அளிக்காமல் யாராவது இருந்தால், மேலவீதியில் உள்ள பொருளாதாரக் குற்றப்பிரிவில் புகாா் அளிக்கலாம் என தெரிவித்துள்ளாா்.